RABETSY,

Mivarotra lasopy mitety tanàna no asan'i RICHARD na Rabetsy no ahafantaran'ny maro izy.4 taona izao no nanaovan'i Rabetsy ity asa ity, noho ny fahasarotan'ny fitadiavana asa no nanosika azy nivarotra raha araka ny filazany. Anisan'ny itiavan'ny olona ny lasopy amidin'i Rabetsy ny tsirony izy tena tsara satria tokoa moa dia nianatra nanao sakafo mihitsy izy vao nivarotra, eo ihany koa ny vidiny izay mirary fa indrindra ny fahadiovana izay tena zava-dehibe tokoa hoan'ny sakafo. Ny hafatro hoy Rabetsy dia ataovy tsara ny asanao fa tsy asa tsy mahavelona izany rehefa atao tsara.

TSARA KANEFA TSY LAFO
Ankadimbahoka, Gare routière fasan'ny karana, Soanierana no toerana fivarotan'i Rabetsy ary vao maraina mbola maizina izy dia efa tazana eny .Maro mpitia ny lasopiny, tsy mifidy saranga fa na mpivarotra voanjo na talehana orinasa dia samy mifandrombaka azy avokoa. Itiavan'ny olona ny lasopy amidin-dRabetsy ny tsirony izy tena mafilotra satria dia nianatra nanao sakafo mihitsy izy vao nivarotra, eo ihany koa ny vidiny izay mirary fa indrindra ny fahadiovana izay tena zava-dehibe tokoa hoan'ny sakafo. Tahaka ny asa rehetra dia misy ny fahasarotany sy ny manahirana amin'ilay mivarotra lasopy mandende hoy i raBetsy .Mahavelona tsara ity asa ity hoy Rabetsy satria tena hita mivaingana tokoa ny tombony azo avy aminy.
Nangonin’i Valisoa