ary afaka nanarina ny faharesena tamin’ny lalao voalohany ihany koa ny sokajy vehivavy. Ny ekipam-pirenen’I Algérie no nifandona tamintsika omaly na ho an’ny lehilahy n any vehivavy. Taorian’ny fandresena miezinezina 102-41 nanoloana an’I Bénin tamin’ny andro voalohany, nandresy an’I Algérie 55-49 indray ny Malagasy omaly. Nitarika hatrany tamin’ny ampaham-potoana efatra ny Malagasy, saingy somary nanana fahasarotana kokoa nitaha tamin’ny fifandonana tamin’I Bénin. Nisongadina hatrany ilay mpilalao Malagasy I Mathias M’Madi. Ambony ny herijika hiakarantsika amin’ny dingana manaraka. Nandresy mazava ny Sénégalais 94-39 an’i Bénin i Sénégal,… Nialohan’izao, efa nandresy 76-59 an’i Algérie i Sénégal, Resin’i Guinée 64-44 i Rwanda, lavon’i Mali 46-51 i Egypte. Ho an’ny lalao anio kosa, hifandona amin’I Sénégal isika amin’ny 5ora sy sasany hariva, ialohan’ny lalaon’I Algérie sy Bénin, Angola sy Rwanda, ary aorian’ny lalaontsika no hifandona I Guinée sy Mali. Lalao isan’ny tena andrasana ny antsika sy Sénégal izay samy tsy mbola nisy resy tamin’ny lalao natao. Tetsy ankilany, nandresy 59-43 ihany koa ny sokajy vehivavy, izay nitarika hatrany am-boalohany, saingy raha tany amin’ny 30 ny elanelan’isan’ny roa tonta, dia nanezaka mafy ny Alzerianina raha toa somary nanary baolina betsaka kosa isika Malagasy. Nomontsanin’I Mali 100-40 kosa I Ouganda, izay nandresy antsika 59-54. Ho an’ny anio, hifandona amin’i Mali ny Malagasy amin’ny 3 ora tolakandro, izay heverina fa lalao ho sarotsarotra ho antsika. Ialohan’ny lalaon’i Ouganda sy Algérie io, ary aorian’ireo lalao roa ireo ny an’i Tanzanie-Guinée sy Egypte sy Angola.
Toky R
Fanapahan-kevitra maromaro no noraisina sy nankatoavin'ny ny Filan-kevitry ny Minisitra omaly ho an’ny lafiny fanatanjahantena.
Vahiny mangan'ny ligin'ny baolina kitra ny Diana i Arsène Malabary.
Banga iray indray ny lomano malagasy. Norimandry omaly ny Kolonely Jaovanona