CAN 2023

Tsy nisy dinika fa dia nataon'ny Afrika Atsimo amin'ny fanaovana azy ka nivoaka sempotra ny Lionan'ny Atlas. I Évidence Makgapo no nanokatra ny isa (57) ary tany amin'ny fanalavam-potoana no nanampy isa indray ny Bafana Bafana tamin'ny alalan'ny kapiteniny Mokoeno izany mpilalao ny Witts University FC. I Mokgopa kosa dia milalao ao amin'ny Orlando Pirates raha avy amin'ny Mamelodi Sundowns ny maro amin'ireo ao amin'ity ekipa ity Porofo izany fa rehefa tsara ny fifaninana ao an-toerana dia mahita vokatra. Raha hiverenana ilay lalao dia tsy nahatsindry ho ny Marokanina hany ka na i Sofyan Amrabat izay mpilalaon'ny Manchester United aza dia nahazo karatra mena. Tsy nijanona teo fa nenjehina hatramin'ny mpitsara, ilay Gabonais Pierre Ghislain Atcho. Toy izao ny fandaharan-dalao amin'ny ampahaefa-dalana. Zoma 2 febroary 8 ora alina ; Nigéria # Angola 11 ora alina : Guinée # RD Congo Sabotsy 3 febroary 8 ora alina : Mali # Côte d'Ivoire 11 ora alina : Afrika Atsimo # Cap Vert.
Clément RABARY