Sport

Fahatelo teo amin'ny laharana ankapobeny izy raha niaraka tamin'i Bastien Pouget fa voalohany eo amin'ny sokajy Junior. Azo lazaina fa mivoatra hatrany ity zanaky ny Governoran'Analamanga ity. I Faniry ilay kambana aminy moa dia nandray anjara tamin'ity fifaninanana ity koa ary niaraka tamin'i Baptiste Langlois fa saingy tsy tazana. Io antony io izany no tsy handraisan'izy mirahalahy amin'ny Rallye Motul amin'ny faran'ny herinandro ity ka nahatonga an-drainy handray ny familiana ny Peugeot 208 izay isan'ny matanjaka indrindra aloha hatreto. Ity fiara zo amin'iny sokajy R5 ity no nandrombahan'i Mika ny anaram-boninahitra tompondakan'i Madagasikara tamin'ny taona lasa.
Clément RABARY