Fifaninanan’ny Ligue 2

eo amin’ny Ligue 2 ho an’ny baolina kitra any Frantsa. Resy in-droa nisesy mantsy ny Auxerrois tao anatin’ny andro faha-32 sy faha-33 satria taorian’ny fiondrehana 3-4 nanoloana ny Stade Lavallois, dia niondrika 2-0 ihany koa izy ireo ny alahady lasa teo nanoloana an’i Rodez. Vokany, na mbola mitazona ny laharana voalohany vonjimaika aza ny AJ Auxerre, dia nijanona eo amin’ny « 61 points » ka isa 3 sisa no manelanelana azy amin’ny Angers SCO laharana faharoa izay manana isa 58, vao avy nandresy an’i Troyes 2-1 ny sabotsy teo. Mikasika an’i Rayan Raveloson, dia tompon-toerana hatrany izy, ary nilalao feno nandritra ny lalao farany teo. Anisan’ireo mpilalao 3 tsara naoty indrindra ao anatin’ny klioba tao anatin’ny lalao, araka ny naotin’ny Sofascore. Tao anatin’ny taom-pilalaovana kosa dia lalao 29 no nataony amin’ny maha tompon-toerana, nahafaty baolina 3 ary nahavita tolotra tsara nitondra tany amin’ny fahafatesana baolina 3. In-telo ihany koa izy no tafiditra tao anatin’ny “equipe type” mivoaka isan-kerinandro ho an’ny Ligue 2.
Toky R