Asa sosialy

Nanadio lakan-drano, tatatra sns.. teny amin'iny Faritra Andravoahangy iny ny Sabotsy 18 Aprily lasa teo ny Vovonana MAFI.M na ny Mijoro ho An'ny Fampandrosoana ifotony eto Madagasikara . Asa sosialy mipaka mivantana amin'ny fiainam-bahoaka no nisafidianan''izy ireo izay marihina fa efa fanaon'ny Vovonana isan-taona. Raha tsiahivina kely dia fijaliana hatrany tokoa no iainan'ireo mponina manodidina an'Andravoahangy isan-taona indrindra fa rehefa tonga ny fotoam.pahavaratra noho ny fahatsentsenan'ny lakan-drano eny an.toerana. Vokatry ny fahabetsahan'ny fako arian'ny olona ao anaty tatatra no mahatonga izany. Miakatra ny rano ka tonga hatrany an-tranon'olona mihitsy hany ka tsy vitsy ireo traboina tsy fidiny. Antony nisafidianan''ireo mpikambana maro eo anivon'ny MAFI-M nanadio teny Andravoahangy izany. Tafiditra indrindra ao anatin'ny Vina sy Tanjon'ny Vovonana moa ny fanatanterahana asa sosialy eny ifotony hanampiana ny mpiara-belona tahak'izao hoy ny Filohan'ny Vovonana Atoa BEHAVA Etienne . Mbola hitohy manerana ny boriborintany rehetra eto Antananarivo moa ity asa sosialy tanterahin'ny MAFI-M ity.
Pati
Légende : Nandritra ny asa fanadiovana natao