airtel

Actualités

11-mars-2024

Fanafody famosirana mpanolana iray

Mitentina 3.000.000 Ariary isan-telo volana

Sample post image

Ry zalahy mahazo fafiny, ianao indray no miantoka ny lany,

11-mars-2024

hoy ny mpamakafaka raharaham-pirenena, Patrick Raharimanana. Mazava moa fa ny fanjakana, na ny marina, ny hetra vola atsembohanao no miantoka ny lany amin'ny «castration» na famosirana, na «chimique» na simika io na «chirurgicale», izany hoe fandidiana, hoy izy. Ny «castration chimique» dia fanafody no atsindrona ilay mpanolana. Io dia fanafody manakana ny taova tsy hamokatra. Singanina eto ohatra ny Decapeptyl, izay «ampoule» atsindrona isaky ny 3 volana, tsy maintsy avaozina. Mitentina 600 Euro na 3.000.000 Ariary ny vidiny isan-telovolana. Afaka 15 andro aorian'ny tsindrona vao azo antoka ny fiasany. Tapitra ny 3 volana ka tsy nitohy ny tsindrona dia miverina ny fiasan'ny taova fananahana. Raha «castration chirurgicale» na fandidiana ny «testicules» na ny voany dia tsy maintsy fandidiana mavesatra miaraka amin'ny fampidirana hopitaly sy ireo fanafody rehetra tsy maintsy lany amin'ny fitsaboana azy. Safidy eo amin'ny fiarahamonina izany. Olona migadra mandram-pahafaty ve no andaniana 3.000.000 Ariary isan-telovolana sa ireo marary marobe eny amin'ny hopitaly tsy misy fanafody, na «coton», izany hoe vovoan-dandihazo sy savony aza iantohana? Aiza no tena olana mahatonga ny fanolanana, sao izay no mila vahana? Fahantrana, fanabeazana, fampianarana, tsy fananan'asa ka mampirongatra ny fandraisana zava-maha domelina sy ny fisotroana toaka. Tranga mampalahelo ary tsy azo ekena ny herisetra ara-nofo, indrindra, amin'ny zaza tsy ampy taona na koa ireo firaisana atao amin-kavana akaiky na «inceste». Mila jerena anefa ny salan'isa miohatra amin'ny isan'ny mponina ahitana ny amaroany na kely na betsaka, na niakatra na nidina. Arakarak'izay no andraisana fepetra fa tsy entin'ny fo amin'ny tranga iray izay tsy azo ekena tokoa, hoy hatrany izy.
J. Mirija
 

Dans la même rubrique

19-juin-2024

Nofoanan’ny Fiadidiam-paritry ny fitsinjaram-pahefana sy ny fanajariana ny tany ary ny

Card image cap
19-juin-2024

Nahazo asa vaovao indray ny polisy monisipaly. Ankoatra ny asa efa nanofanana azy ireny mantsy

Card image cap
19-juin-2024

Trozona lehibe manodidina ny 9 metatra tombanana ho milanja 1 taonina mahery

Card image cap
19-juin-2024

Voasonia ny fiaraha-miombon’antoka ara-bola eo amin’ny Minisiteran’ny toekarena sy ny

Card image cap
19-juin-2024

Toy ny efa fanao isan-taona, tanterahana ao amin’ny Kianjan'i Betongolo ny Kerimesin'ny Hery

Card image cap
19-juin-2024

Mpivady ara-dalàna, ara-panjakana i J. (lehilahy) sy R. (vehivavy),

Card image cap