Actualités

Nambarany fa nanomboka tamin’ny andron-dRatsirahonana Filohan’ny tetezamita no namoaka lalàna, fa ny fonksionera rehetra mipetraka amin’ny tranom-panjakana, dia afaka mividy io tranom-panjakana io. Nilaza ity Minisitry ny fitaterana sy ny famantarana ny toetr’andro teo aloha ity fa nanomboka ny 1986 na 40 taona taona latsaka kely no nipetraka teo, ary izy no namefy sy nangataka ny tany 6000m2. Nambarany fa narahany ny dingana rehetra, ary nahazo “avis favorable” tamin’ny minisitera izay tompony, ka tsy an’ny Météo intsony ny tany nanomboka teo. Nahazo ny fankatoavan’ny fanajariana ny tany sy ny Fitantanana ankampoben’ny Fananan-tany ny 12 aogositra 2008. Ny zava-nitranga teo anelanelany anefa, dia nisy mpiasan’ny “météo” miisa 4 nisoloky nandefa taratasy tany amin’ny Sampan-draharahan’ny fananan-tany nilaza fa io tany laharana 11153 dia tsy ilain’ny Jeneraly Tsaranazy manontolo, fa ampahany ihany, saingy nambarany fa hosoka, ary tsy soniany sy sonian’ny vadiny Rtoa Razafy Christine izay Tale Jeneralin’ny Météo teo aloha izany no tao fa hosoka. « Eo am-panarenana ny marina ny Sampan-draharahan’ny fananan-tany hamoaka didim-panjakana amin’izao fotoana izao, dia milaza fa nekena ny fangatahanay mivady ny hanomezana manontolo ny tany. Miato anefa aloha ny fanaovana sonia satria izany, hono, no toromarika avy any amin’ny Filankevitry ny minisitra, ka manaja sy miandry ny rariny », hoy ny fanazavany. Naneho anefa ity Jeneraly ity, fa rahampitso na rahafakampitso, raha toa ka tapitra ny fe-potoana hanaovana ny fampiatoana kanefa mandeha mialoha ity fandrodanana dia eo vao ho raikitra ilay tantara. « Izaho amin’izay fotoana izay hahazo ilay didy ara-dalàna momba ny kanefa ny fandrodanana natao mialoha, ary tsy nisy taratasy fampandrenesina tamin’ny daty sy ny pitsopitsony, kanefa ny “taxe d’habitation” tonga ara-dalàna. Trano 3 ihany koa no natsangany tsy nisy olana, fa ny fahaefatra vao tratran’izao ka nilazany fa mahagaga. Tsy mbola misy didy raikitra, ny taratasy dia lazaina amiko fa an-dàlana na “en cours”, ka tsy ekena ny fandravana ary ho sarotra raha mbola mitohy, hoy ity Minisitra teo aloha ity.
Toky R