teknolojia fikirakirana vola misokatra laharana finday rehetra eto Madagasikara. Ahafahana manokatra kaonty MVola avokoa manomboka eto ny laharana rehetra miantomboka amin’ny 032 na 033 na 034 na 037 na 038 amin’ny alalan’ny fanokafana application MVola amin’ny Playstore, Google play,… raha ny fanamafisan-dRtoa Lina Ramiandrisoa Tompon’andraikitry ny serasera eo anivon’ny MVola. Afaka misitraka avy hatrany ny tolotra rehefa mahavita ny fisoratana anarana amin’io, ka afaka manao petra-bola na misintona eny amin’ireo “cash point” misy Mvola rehetra. Tafiditra ao anatin’io hatramin’ireo fanaovana tahirim-bola, findramam-bola na koa fiantsenana amin’ny alalan’ny finday aza, rah any fanamarihana. 14 taona ankehitriny ny tolotra MVola, ary raha ny laharana 034 sy 038 dia mahatratra 13 tapitrisa hatreto ireo mpanjifa iombonana amin’ny Telma, raha ny fanazavana. « 14 taona aty aoriana, mbola manamafy hatrany ny vina napetrany hatrany am-boalohany mba hisitrahan’ny vahoaka malagasy ny atao hoe « inclusion financiere » ny MVola hanomezana vahana ny rehetra amin’ny fikirakirana vola amin’ny fomba tsotra sy voaaro ary manaraka ny teknolojia satria mendrika hisitraka izany ny vahoaka Malagasy, hoy I Louis-Olivier Favot Tale Jeneralin’ny MVola Fô. Ambany ny taham-pamindrana vola raha mampiasa ny MVola Fô, ary maro sy nohamoraina avokoa ireo karazana tolotra MVola rehefa miditra ao amin’ity MVola Fô ity satria mpihena 50% ny saran'ny fandefasana vola ao anatin'io application io, hoy ny fanazavana. Milaza moa ny MVola teo anatrehan’ny fanontanian’ny mpanao gazety fa tsy misy olana amin’ireo orinasa mpifaninana hafa io fivelaran’ny tolotr’izy ireo amin’ny laharana ivelan’ny Telma io.
Toky R
Namoaka tatitra momba ny ady amin’ny kolikoly mandritra ny taona 2023 ny tendrom-pitsarana manokana
Nitory ny Mpikamban’ny HCC na ny Fitsarana avo momba ny lalàmpanorenana eny amin’ny Fitsarana ambony na ny HCJ (Haute Cour de Justice)
Voatery teny an-dalambe no navoaka ny mofomamy nanamarihan’ny Randrana sendikaly ny fetin’ny asa omaly
hitodika amin’ny fanatsarana ny famatsiana ny rano fisotro madio eto amin’ny faritra Analamanga ny fitondrana.
Mahatratra 6 tapitrisa ireo olona mipetraka eto amin’ny lemak’Antananarivo amin’izao.
Nitombo hery ka nivadika ho andro ratsy na depression tropicale ilay tangoron-drahona ao Avaratry