FIRAISANKINAN'NY

Manohana sy miara-miasa akaiky amin'ny Fitondram-panjakana mijoro ankehitriny ny FITIBA na ny Firaisankinan'ny Terak'i Bara tarihin'ny filohany Atoa Nakamy Charlie sy Filoham-boninahiny Andrianirina Pierrot. Ny hahafahana mampandroso ireo distrika miisa 12 anatin'ny faritra miisa 5 misy ireo terak'i Bara no tanjona, hipaka manerana ny Nosy mihitsy. Mbola maro ireo olana sedrain'ireo distrika 12 isa ireo raha araka ny fanadihadiana natao toy ny resaka tsy fandriampahalemana, ny fampananan'asa ny tanora... Feno 55 taona ankehitriny ny nijoroan'ny FITIBA. Lanonana natrehin'ireo tompon'andraiki-panjakana maro samihafa no nanokafana ny fankalazana afak'omaly Sabotsy 30 May teny amin'ny Mada Espace By Pass. Mifankatiava riano izay no teny filamatry ny fikambanana izay manandratra avo ny firaisam-pirenena sy ny kolontsaina Bara. Fantatra moa fa handray anjara amin'ny fikaonandoham-pirenena hotanterahina eny amin'ny CCI Ivato ny FITIBA amin'ny Alarobia 03 Jona ho avy izao. Raha araka ny fanazavan'Atoa Andrianirina Pierrot dia efa nisy ny fakan-kevitra nataon'izy ireo teny anivon'ny Fokontany ho an'ireo distrika 12 ao aminy mba hahafahana mijery sy mamaly ireo tena hetahetam-bahoaka marina. Ho entin'ny FITIBA haravona mandritra ny fikaonandoham-pirenena ho fanampiana ny Fitondram-panjakana amin'ny asa fampandrosoana tanterahiny.
Pati
Légende : Ny filohan'ny FITIBA Atoa Nakamy Charlie !