Ry zareo mpanabe tanora eny amin’ireo faritra iva, toy ny Hafari Malagasy, sy ireo mpandinika fiarahamonina, no efa nampaneno lakoloky ela mikasika azy io. Saika isan’andro ny naheno hoe misy izany “Roro” izany no tena fitrokan-drizalahy. Omaly indray dia nahenoana fitarainana teny Ambohimanarina teny izay avy amina raiamandreny nahita zatovolahy tanaty elakelantrano nanao zavatra hafahafa sy niezaka niafina ny tenany kanjo moa hitany ihany raha ny fitantarany. Nivarahontsana aho, hoy ity raiamandreny ity ary nisafoaka nahita azy ireo nanao ilay izy no sady niteny tany an-tsaina hoe efa tonga eto izany itony zavatra itony. Nananatra azy ireo aho moa, hoy izy, no sady nilaza ho mahalala ny raiamandrenin’izy ireo, fa indrindra, tsy te ahita azy ireo hanimba hoavy amin’ny zava-mahadomelina. Mba jereo ihany ny ataon’ny ankizy fa efa tena mivoana, hoy hatrany ny antsoavony. Efa ela ny sehatra maro no nanao antsoavo fa tandindonin-doza ny firenena sy ny hoavin’ireo taranaka amin’ny fironanana any amin’ity fandraisana zava-mahadomelina ity.
J. Mirija
(Sary fanehoana)
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,
Voaheloka higadra 2 taona an-trano maizina miampy fandoavana onitra mitentina 300 tapitrisa Ar
Mitombo indray tato ho ato ireo olona manary zanaka eto amintsika. Zazavavy kely mbola menavava vao teraka
Olona miisa 11 be izao no nokaikerin’ny alika romotra tany amin’ny distrikan’i Soanierana Ivongo,
Hita tao anaty rano omaly maraina, tao amin’ny fokontany Morafeno-Ankeniheny,
Nanamarika iny herinandro iny ny fampahafantarana fa ilay teratany Israelianina Ron Weiss