airtel

Actualités

29-août-2022

Actualités

Fonjaben’Antanimora Misy zaza 60 migadra miaraka amin-dReniny

Sample post image

Mahatratra 60 isa eo ho eo ireo zaza tsy manan-tsiny miaraka amin-dReniny tazonina ao amin’ny fonjaben’Antanimora amin’izao.

29-août-2022

Misy amin’izy ireo no vao teraka mihitsy raha misy ihany koa ireo efa an-taonany. Amin’ny ankapobeny dia tokony hihinana sakafo mifanaraka amin’ny salan-taonany ireny ankizy madinika ireny fa tsy mitovy amin’ny olon-dehibe. Misy ohatra ireo tokony hihinana ronono fa tsy ampy nono ny reniny. Misy koa ireo tokony hihinana sakafo maro loko ilana fikarakarana manokana hahafahana miady amin’ny tsy fanjarian-tsakafo. Mba hahafahana mamaha ny olana mifandraika amin’izany dia nisy ny faran’ny herinandro teo ny fifanatonana teo amin’ny ofisim-pirenena misahana ny fanjarian-tsakafo sy ny Ministeran’ny fitsarana ary ireo fikambanana maro lafy isan-tsokajiny. Nodinihina nandritra izany ireo karazana paikady hahafahana miady amin’ny tsy fanjarian-tsakafo eny anivon’ny toeram-pamonjana. Ankoatra ireo ankizy madinika mantsy dia mbola hitadiavam-bahaolana ihany koa ireo olon-dehibe mifonja sy ireo vehivavy bevohoka izay misy ihany koa ary tokony hikarakarana sakafo manokana fa tsy mitovy amin’ny voafonja rehetra. Tsiahivina moa fa efa nihena hatrany amin’ny 15% ny tahan’ny tsy fanjarian-tsakafo teto amintsika tato anatin’ny 10 taona izao. Na izany aza mbola tratry ny tsy fanjarian-tsakafo mitarazoka ny 40%-n’ireo ankizy latsaky ny 5 taona eto amintsika antony hanaovana ny fanentanana sy ny fampianarana etsy sy eroa.
Pati
Legende : Vao teraka dia efa miaina any am-ponja ny sasany amin’ireo kilonga madinika.
 

Dans la même rubrique

19-avril-2024

Nambaran’ny Filoham-pirenena Andry Rajoelina fa 250 tapitrisa dolara na 1200 miliara

Card image cap
19-avril-2024

Amin’ny volana may 2024 no hanomboka miandalana ny asa fananganana ireo foibem-pamokarana

Card image cap
19-avril-2024

Nampahafantarina ofisialy omaly teny Andraharo misy ny foiben’ny orinasa Telma ny MVola Fô,

Card image cap
19-avril-2024

Raim-pianakavina iray no fantatra fa maty voatsatok’antsy teo amin'ny lamosiny sy ny kibony tany Antanimalandy

Card image cap
18-avril-2024

Mbola tsy misy jiro any Sambava hatramin’ny omaly, mbola miandry ny fahatongavan’ny solika avy any Antalaha !

Card image cap
18-avril-2024

Na kandida tanaty fitondrana aza nisy tsy nahazo ilay taratasin-ketra «211 bis» ary maro,

Card image cap