airtel

Actualités

12-févr-2024

ITAOSY SY NY MANODIDINA

Tapaka adin'ny 07 ny jiro omaly

Sample post image

Anarany no mba faran'ny herinandro nakan'ny fianakaviana aina niaraka omaly Alahady 11 Febroary

12-févr-2024

fa tena nahasorena kosa ny zava-nitranga teny Andranonahoatra Itaosy Atsimondrano teny. Tapaka nanomboka tamin'ny 10 ora sy sasany maraina mantsy ny jiron'ny Jirama ary tsy niverina raha tsy tamin’ny 05 ora sy sasany hariva. Tsy mba afaka niara-nijery vata fahita lavitra, nihaino hirahira mahafinaritra, nahandro sakafo tamin’ny fatana mandeha amin’ny herinaratra… ny ankamaroan’ny fianakaviana noho izany fa niaina tao anaty fahasahiranana tanteraka. Voakasik’izany manokana ireo nanan-draharaha natao toy ireo nanao batisa tany am-piangonana…Tsy lazaina intsony ny nanjo ireo olona mivelona amin’ny herinaratra toy ny mpanao volo, ireo mpivarotra trondron-dranomasina izay maty antoka an’aliny ny sasany….Raha araka ny siosion-dresaka nandeha moa dia vokatry ny fanamboarana ilay andrin-jiro izay nisy tariby mitondra herinaratra tapaka teny Behenjy Itaosy no nitarika izao fahatapahan-jiro tsy nisy fampilazana teny Itaosy izao. Tsy mba ora roa na telo rahateo no lany fa naharitra ora fitobe izao. Tsiahivina hatrany moa fa ny faran’ny herinandro no mba fiarahan’ny fianakaviana ao an-tokantrano noho ny asa fitadiavana sy ny rotorotom-piainana. Tokony hiezaka hifampitsinjo amin’ny mpanjifany araka izany ny orinasa JIRAMA ary hanao fampilazana raha hanamboatra tahaka ireny mora handaminan’ny mpanjifa ny fandaharam-potoanany.
Pati
 

Dans la même rubrique

28-févr-2024

Dila izay ny iray volana sy tapany nanendrena ny ben’ny tanànan’Antananarivo

Card image cap
28-févr-2024

Samy nahatsikaritra ny rehetra fa nisy ny fahatapahan-jiro niverimberina omaly

Card image cap
28-févr-2024

Tafidina hatrany amin’ny 200 Ar ny iray kilao amin’ny paoma any

Card image cap
28-févr-2024

Zary lasa saham-pisolokiana goavana, efa an-taona maro izao, ny tambazotran-tserasera.

Card image cap
28-févr-2024

Zaza roa be izao no fantatra fa indray maty nilatsaham-potaka omaly Talata 27 Febroary

Card image cap
27-févr-2024

Nisy fahavakisana ny karieram-bolamena tao Antanifotsy Ilempona ao amin'ny fokontany

Card image cap