airtel

Actualités

15-mai-2024

Lalàna momba ny famosirana

Tsy ankasitrahan’ny katolika

Sample post image

Anisan’ireo teboka nitondran’ny eglizy katolika ny fijeriny ny lalàna momba ny famosirana ireo

15-mai-2024

mpanolana sy ny fampirisihana ny fandrindram-piterahana eto amintsika. Manaiky io fiangonana io, fa heloka be vava ny fanolanana na ny fanararaotana amin’ny endriny hafa; ary manameloka tanteraka an’izany ny Eglizy, miombom-po sy mankahery ireo niharan’ny fanolanana; ary mitaky ny fiahiana manokana an’ireo voaolana. Raha ny lalàna efa nisy anefa no nampiharina ara-drariny sy itovizan’ny rehetra, ka nanasaziana ireo nanao heloka, dia tsy ho tonga amin’ity lalàna hafahafa ity isika. Tena vahaolana hahafoana ny fanolanana ve izany? Hoy ny Fivondronamben’ny Eveka. Amin’ny katolika dia mifanohitra amin’ny hasina maha-olona ny fampijaliana ampiasana herisetraka, ary miray feo amin’izany ny fampianaran’ny Eglizy na ny fanambarana ny zon’olombelona, na ny lalàna misy eto Madagasikara. Masina ny vatan’olombelona amin’ny maha-asan-tanan’Andriamanitra azy ary efa navotan’i Kristy, ka tsy misy manam-pahefana aminy, na dia ny lalàna aza, hoy ny fanambarana. Mbola nohamafisina aza fa ny olombelona manao ny lalàna manohintohina ny vatan’olombelona dia te haka ny toeran’Andriamanitra. Noho izany, nohamafisina fa fandrindram-piterahana ara-boajanahary no mifanaraka amin’ny fampianaran’ny Eglizy katolika, satria manaja ny hasina maha olona. Ampirisihin’ny Eglizy ny fampiofanana sy fanabeazana momba azy io. Hanao ahoana ny ho fandraisan’ny fitondram-panjakana ny fanambaran’ny katolika ? Hisafidy ny hangina sa hitondra setriny satria fanambarana na fanehoan-kevitra tahaka izao ihany no na nangatahana ny fanoloana ny Ambasadaoron’ny Vondrona Eorpeanina fa ny an’ity farany niainga tamin’ny lalàna sy fifanarahana iraisam-pirenena fa ny an’ny katolika nitodika tamin’ny finoana? Hosokajiana ho manohintohina ny fiandrianam-pirenena ihany koa ve ny katolika ?
Toky R
Sary fanehoana

 

Dans la même rubrique

17-mai-2024

Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany

Card image cap
17-mai-2024

Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,

Card image cap
17-mai-2024

Vehivavy iray tombanana ho 30 taona eo ho eo no hita faty tao Fitroafana Talatamaty,

Card image cap
17-mai-2024

Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,

Card image cap
16-mai-2024

mpitondra mahalala ny filàm-bahoaka sy tena laharampahamehana, vahoaka tsy sakana fa hery,

Card image cap
16-mai-2024

Raikely iray indray no voamarina fa nanolana ny zana-badiny vao 13 taona,

Card image cap