Actualités

Raha araka ny loharanom-baovao voaray dia nisy andian'olona tonga tao amin'ny fianakavian'ity lehilahy teny Amparibe nisambotra azy. Voatondro ho nangalatra finday mantsy izy ka tratry ny daroka mandrivorivo. Notorahim-bato sy nitenenan-dratsy ihany koa no sady novelesina tamin'ny vato. Maty vokatr'izany io Raim-pianakaviana io. Tsy nahitana ilay finday voalaza fa very anefa tany aminy. Raha araka ny loharanom-baovao azo hatrany dia nantsentsina tao anaty fiara fitaomana entana ny razana ary nariana tany Manjakandriana. Raha araka ny fantatra hatrany moa dia olona mpanao haiady avy any Manjakandriana no nahavita namono an'Itompokolahy. Karazan'irony lonilony irony araka izany no antony namonoana ity tovolahy ity raha ny fijerin'ny manodidina azy. Manao antso avo ny amin'ny hamoahana ny marina mikasika ity raharaha ity araka izany ny fianakavian'ny maty.
Nangonin'i Pati