Mpirafilahy niady vehivavy

Vehivavy iray no niadivan'olona roa lahy satria samy niady te handromboka azy avokoa izy 2 ireo, saingy zava-doza no niafarany. Vokany, nokapain'ilay iray ny famaky ny lohan'ilay lehilahy iray rehefa nangotraka ny fifampiresahina teo amin'ny andaniny sy ankilany, tao an-tranon-dravehivavy, ka nandriaka ny rà. Lalina ny ratra nahazo ity lehilahy ity izay nisy fahasilahana mihitsy moa ilay lohany noho ilay "famaky" naranitra ka izao maty tsy tra-drano izao. Nitsoaka avy hatrany ilay nahavanon-doza rehefa nahavita ny asa ratsiny ary karohin'ny zandary ao an-toerana fatratra ankehitriny, hoy ny tatitra. Ny 15 Aprily tokony ho tamin'ny 6 Ora maraina mantsy vao nahazo antso avy amin'ny ben'ny tanàna ao an-toerana ny avieo anivon'ny Komandin'ny Tobim-paritra Ambovombe mahakasika ity vono olona tamin'ny fomba feno habibiana ity, raha ny fanamarihana. Taorian'ny fidinana ifotony nataon'ny zandary niarahana tamin'ny mpitsabo tao amin'ny CSB sy ny ben'ny tanàna ao an-toerana no nampandrenesana ny Tonia mpampanao lalàna, hoy ny tatitra. Andrasana ny tohiny!
Nangonin'i Toky R