MPITONDRA CYCLO POUSSE

Lehilahy iray mpitondra cyclopousse natokisana efa an-taonany maro no nivadika tamina mpivady iray nanankina ny zanany vavy tamin’io lehilahy io tao Toamasina tao. Vao nanomboka 3 taona mantsy ny menaky ny ain’ireto farany no efa nalain’io lehilahy io sy nateriny tamin’ilay cyclo pousse izay marihina fa vavikely. Tsy nitsahatra ny nifandray izy ireo nandritra izany saingy tena nitera-doza. Bevohoka mantsy ilay zazavavy kely ankehitriny nefa vao 12 taona monja. Rehefa noteren-dRay aman-dReniny ilay zaza dia nilaza tamim-pahatsorana fa ilay lehilahy mpitondra cyclo pousse izay mpaka sy mpanatitra azy ary handoavan-dRay aman-dReniny karama isam-bolana no nahabevohoka azy. Tohana mafy ireto farany vokatr’izany saingy nahatsapa ny fahatokisana diso tafahoatra napetrany tamin’ilay mpitarika posy ihany koa. Indrisy anefa fa efa tara loatra izany. Ho an’ilay mpitarika posy kosa dia tsy ho afa-maina izy fa henjehin’ny lalana na inona na inona fifankatiavana nisy teo amin’izy roakely noho izy nahabevohoka zaza tsy ampy taona.
Pati
Legende : Entin’ilay lehilahy mitaingina posy miaraka aminy tahaka izao foana ilay zaza isan’andro !