Mpizahatany tonga eto Madgasikara

tonga teto Madagasikara, araka ny tatitry ny Minisiteran’ny fizahantany, notaterin’ireo vaovao an’habaka. 20 895 ireo vahiny tonga nisitraka ny hakanton’i Madagasikara tamin’io volana aprily lasa teo io, raha toa ka 18 657 tamin’ny taon-dasa tao anatin’ny vanim-potoana mitovy. Na nisy aza ny fihatsarana, mbola io raha oharina ny tamin'ny aprily 2019, talohan'ny nahatongavanan'ny aretina Covid-19 teto Madagasikara, izay 24 035 tamin’izany. Ho an’ny efa-bolana voalohan’ity taona ity indray, dia 57 778 ny isan'ny mpizahantany tonga teto amintsika. Niakatra 14,5% izany raha oharina ny tamin'ny efa-bolana voalohany tamin'ny taon-dasa, izay 50 447. Mbola latsaka hatrany amin’ny talohan’ny nidiran’ny covid-19 anefa satria nahatratra 65 070 ny mpizahatany tonga teto tao anatin’ny vanim-potoana mitovy. Na misy aza ireo fihatsarana, mbola tsy tena voatrandraka na marefo ny fizahantany eto, mbola verezin’ny atsy amin’ny Nosy Maurice lavitra satria raha manodidina ny 300 000 isan-taona ny antsika amin’izao, ary tanjona ny hanatratra 500 000 ary ary aorian’izay 1000 000 dia efa 3000 000 isan-taona kosa ny any amin’io nosy izay kely mihoatra antsika io, ary raha harena voajanahary sy zavatra manintona dia verezintsika lavitra. Olana anefa ny fotodrafitrasa, làlana, tsy fandriampahalemana, faharipahan’ireo zava-manan’aina mampiavaka antsika,…
Toky R
Sary fanehoana