MPIZAIKA AO ANKARAMALAZA

no fantatra fa maty nilomano tao amin'ny ranon'Ambahive Ankaramalaza ny 26 Jolay lasa teo tamin'ny 04 ora hariva. Raha araka ny fantatra dia hanatrika zaikabe any an-toerana no anton-dian'ity tovolahy ity. Nilomano niaraka tamin'ny namany anefa izy nandritra izany ka natelin'ny rano. Efa nentina haingana nihazo tobim-pahasalamana izy rehefa tafavoakan'ny olona tao anaty rano, saingy tsy tana intsony ny ainy, na dia efa niezaka mafy namonjy azy aza ireo mpiasan'ny fahasalamana. Nanao antso moa ireo mpiandraikitra ny zaikabe any Ankaramalaza manoloana izany ka nanentana ireo mpivahiny any an-toerana mba tsy hirobo-drano na hilalao rano amin'ny toerana mety hampidi-doza, mba hisorohana ny loza tahaka izao sy hiarovana ny aina, izay marihina fa tsy hananam-piry. Tsiahivina fa misy hatrany ny olona maty an-drano rehefa fotoanan'ny vakansy lehibe tahaka izao. Ho an'i Majanga manokana dia tsy latsaky ny 3 isan-taona eo ho eo izany ka ilana fitandremana fatratra.
Nangonin'i Pati
Légende : Ilay zazalahy namoy ny ainy avy nalaina tao anaty rano !