Najoboboka sy nijoboka tamin’ny « resaka poizina »

Talen’ny DVSSER (Directeur de la Veille Sanitaire , de la Surveillance Epidémiologique et Riposte) teo anivon’ny Ministeran’ny Fahasalamam-bahoaka, araka ny filankevitry ny minisitra manokana notarihin’ny Filoha Andry Rajoelina sy ny Praiminisitra ary ireo ministra voakasika omaly, teny Ambotsirohitra ka nandraisana ity fanapaha-kevitra ity. Nanamarika ity mpitsabo ity ny fanehoan-kevitra nataony mikasika ny raharaha Ambohimalaza tamin’ny haino aman-jery vahiny izay niteraka resabe. Nisongadina tao anatin’io ilay hoe : « Tsy te hahalala akory izay anaran’ny poizina aho, rehefa fanapoizinana dia fanapoizinana ». Mifanandrify tamin’ny lahateny nataon’ny Pr Zely Andriamanantany mikasika ny fitondran-tenan’ny mpiasan’ny fahasalamana io amin’ny fomba fandraisana ny marary, ary tafiditra tao anatin’io ny filazana fa tsy ekena ny resaka manivaiva, izay lasa ny Minisitera iray manontolo no maloto. Na izany aza, tena feon’ity tompon’andraikitra ambony ity irery no nentiny sa feon’ny Minisitera sy ny Fanjakana ? Tena niteny tamin’ny naimpony sa nampitenenina ka rehefa nangotraka dia natao sorona sy natao « fusible » eo anatrehan’ny fiakaran’ny maripana noho ny tsy fahombiazana ara-pahasalamana eto ka ny lehibe na ny « boss » tsy voakitikitika fa izay azo hamatrarana azy aloha no manefa na tsy fahombiazana iarahana sy lesoka miainga hatrany an-tampony aza.
Toky R