airtel

Actualités

07-mars-2024

Nidoboka any Tsiafahy i Da-Willy

Vesatra goavana roa sosona, fahaverezana mandra-maty !

Sample post image

Nampidirina am-ponja vonjimaika eny Tsiafahy omaly

07-mars-2024

i Andrianambinintsoa Jonhy William na Da-Willy, ilay tolovolahy 23 taona, nanolana zaza vao 6 taona tany Imerimandroso Imeritsiatosika. Niakatra mpitsara mpanao famotorana na « juge d’instruction » omaly izy, ka nangatahan’ny fitsarana ny handefasana azy vonjimaika any Tsiafahy. Nohamafisin’ny mpitsabo fa simba tanteraka ny fivaviana sy ny vodin’ilay zaza, mangana ny vatan’ilay zaza sasany,… Nanambara moa ny Tonia Mpampanoa Lalàna eo anivon'ny Fitsarana Ambaratonga Voalohany eto Antananarivo, Ramatoa Rakotoniaina Narindra Navalona fa didy roa no mety hihatra amin'i Da-Willy ka voalohany amin'izany ny asa an-terivozona mandrapahafaty ary faharoa ny famosirana na "castration chirurgicale" izay lalàna vaovao vao lany hampiharina amin'ny mpanolana. Nomarihina, fa niaiky ny heloka vitany i Da-Willy nandritra ny famotorana natao azy. Loham-piampangana 2 : fikasana hamono olona izay voatondro sy faizin’ny andininy faha-2, faha-295, ary ny faha-304 ao amin’ny fehezan-dalàna famaizana, ka io dia mety hahavoasazy azy hanao asa an-terivozona mandra-pahafaty. Loham-piampangana faharoa kosa dia ny fanolanana zaza latsaky ny 10 taona izay voatondro sy faizin’ny andininy faha-332 vaovao, faha-4 andalana voalohany, faha-332 bis vaovao, ao amin’ilay lalàna vaovao vao nivoaka laharana 2024-001 tamin’ny 26 febroary 2024 izay nanova sy nameno ny andalana sasantsasany ao amin’ny fehezan-dalàna famaizana. Ny sazy mety ho azony amin’io vesatra faharoa io dia fanaovana asa an-terivozona mandra-pahafaty sy famosirana na « castration chirurgicale », araka ny fanazavavan’ny tonia mpampanoa lalàna hatrany. Nitaky ny fandefasana azy avy hatrany any Tsiafahy ny Fampanoavana, ka io nidoboka vonjimaika io. Tsara ny mampahatsiahy, fa isan’ny nangataka ny hisantarana ny famosirana ireo mpanolana amin’i Da-Willy ny Minisitry ny Fitsarana. Efa karazan’ny fahaverezana mandra-maty izany ny azy !
Toky R
 

Dans la même rubrique

25-juin-2024

Hampitomboina ny mpitandro ny filaminana mandritra ny lanonam-panamarihana ny faha-64 taona

Card image cap
25-juin-2024

Misavovona hatrany amin’ny 1 444 miliara ariary ny trosan’ny mpamatsy solika amin’ny Jirama ho an’ny taona 2023.

Card image cap
25-juin-2024

Taty amin’ny tontolon’ny asa, izany hoe ny mpiasa, dia nihevitra daholo fa toy ny tamin’ny taon-dasa izay nisy

Card image cap
25-juin-2024

Tontosa, raha ny fampitam-baovao voaray omaly, ny fanasoniavana ny fifanaraham-piaraha-miasa

Card image cap
25-juin-2024

Tsy hisy hankalaza ny Fetim-pirenena 26 Jona izay homarihina manomboka anio Talata

Card image cap
25-juin-2024

Ny Randrana sendikaly dia tsy miditra amin’ny resaka olona ka hitaky hoe esory

Card image cap