airtel

Actualités

06-mars-2024

VOKATRY NY FANOLANANA

« Miteraka fahavoazana ara-tsaina, manapotika fiainana iray manontolo »

Sample post image

Mahazo vahana tanteraka ny fanolanan-jaza eto amintsika.

06-mars-2024

Tsy hanavahana intsony izany na zazakely na olon-dehibe, antony nanosika an’ny Dokotera Fidy Bariniaina hanazava izay mety ho voka-dratsin’izany tamin’ny mpanao gazety omaly. Nambarany fa fahafatesana mbola kely ny taovam-pananahan’ny zaza no mety ho voka-dratsin’izany ankoatra ireo takaitra hafa. Rovitra ny tsinay ka mandeha mankany amin’ny lalan-jaza ny maloto. Rovitra koa ny tatavia ka mandeha mankany amin’ny lala-jaza ny fivalanan-drano. Maimbo mandavam-taona ilay ka hahiliky ny fiaraha-monina , na ny fianakaviany mihitsy aza. Simba ihany koa ny tranon-janany ka mety tsy hiteraka intsony izy na hiteraka zaza an-tsoso-koditra ka na tsy maintsy didiana na maty raha tsy fantatra izany. Maro koa ireo aretina mety ho azony nandritra ny fanolanana. Anisan’izany ny SIDA sy ny maro hafa . Mety hisy marary mandavan-taona koa vokatry ny takaitra. Tsy lazaina intsony ny vohoka tsy niriana sady tsy voahomana ka manjary vesatra ho azy sy ny fianakaviana. Tsy latsa-danja amin’ireo ny fahavoazana ara-tsaina sy ny fihetseham-po izay miteraka tahotra, alahelo ,fahakiviana mandavan-taona hany ka manjary sakana eo amin’ny fifandraisana aman’olona, tokantrano,fianarana, asa…izany. Ny mahaolona azy mihitsy no simba tanteraka hoy hatrany Dokotera Fidy izay mitarika mankany amin’ny fahapotehan’ny fiainana iray manontolo mihitsy.
Pati
Legende : Dokotera Fidy Bariniaina !
 

Dans la même rubrique

19-juin-2024

Nofoanan’ny Fiadidiam-paritry ny fitsinjaram-pahefana sy ny fanajariana ny tany ary ny

Card image cap
19-juin-2024

Nahazo asa vaovao indray ny polisy monisipaly. Ankoatra ny asa efa nanofanana azy ireny mantsy

Card image cap
19-juin-2024

Trozona lehibe manodidina ny 9 metatra tombanana ho milanja 1 taonina mahery

Card image cap
19-juin-2024

Voasonia ny fiaraha-miombon’antoka ara-bola eo amin’ny Minisiteran’ny toekarena sy ny

Card image cap
19-juin-2024

Toy ny efa fanao isan-taona, tanterahana ao amin’ny Kianjan'i Betongolo ny Kerimesin'ny Hery

Card image cap
19-juin-2024

Mpivady ara-dalàna, ara-panjakana i J. (lehilahy) sy R. (vehivavy),

Card image cap