airtel

Actualités

11-avril-2024

Volamena 450g voalaza fa tsy ara-dalàna

Tratran’ny “police des mines”, giazana eny amin’ny BFM

Sample post image

Volamena milanja 450 grama mahery fantatra fa manana taha-pahadiovana mihoatra ny 98% taorian'ny fitiliana teo

11-avril-2024

anivon’ny laboratoara no tratran'ny polisin'ny harena an-kibon' ny tany sy ny kaomisaria faha 5, boriboritany faha 4, ny faran'ny herinandro teo, raha ny fampitam-baovao voaray. Tsy nanana taratasy mazava fitazomana, fitondrana ary fivarotana volamena ny olona nahatrarana ireto harena an-kibon'ny tany ireto, hoy ny fanazavana. Tafiditra anatin'ny ady ataon'ny ministera amin'ny tsy fanarahan-dalàna mikasika ny harena an-kibon'ny tany ary tafiditra ao anatin’ny fanatanterahana ny politika ankapoben’ny fanjakana ny hetsika famongorana ny tsy ara-dalàna toy izao, hoy ny tale vaovao miandraikitra ny "Direction de la Police des Mines", ny kaomisera Rakotoarimanana Mamy Tiana. Eo am-piandrasana ny valin'ny fanadihadiana dia apetraka eny amin'ny Banky foiben'i Madagasikara ireo volamena tratra, araka ny fanapahan-kevitra noraisin’ny eo anivon'ny ministeran'ny harena an-kibon'ny tany manoloana ny tranga fahatrarana sy fanagiazana vato sarobidy sy volamena toy izao sy araka ny voafaritra ao anatin'ny lalàna. Ny vokatry ny fanadihadiana no hahafahana mamantatra izay lalana hizoran’ireto volamena tsy ara-dalàna sy izay mety ho tambajotra ambadik’izany. Manoloana izao fahatrarana volamena tsy ara-dalàna izao, miantso ny olompirenena ny tomponandraikitra hizara vaovao sy hitory raha sendra misy tranga mampiahiahy momba ny sehatry ny fitrandrahana harena an-kibon'ny tany mba ahafahana mijery izany ara-potoana sy handraisana andraikitra manoloana izany. Nifanindry an-dalana tamin'izany dia miantso ny mpisehatra amin'ny harena an-kibon'ny tany hiroso sy hiditra ao anatin'ny sehatry ny ara-dalàna izay hany lalana maha-marin-toerana ny asa tanterahan’ny minisitera, raha ny fampitam-baovao voaray hatrany.
J. Mirija
 

Dans la même rubrique

17-mai-2024

Nitombo 12% tamin’ny volana aprily teo raha oharina ny tamin'ny volana aprily 2023 ny mpizahatany

Card image cap
17-mai-2024

Taorian’ny Minisitry ny filaminana anatiny herinandro latsaka izay nidina teny amin’ny seranam-piaramanidina Ivato,

Card image cap
17-mai-2024

Vehivavy iray tombanana ho 30 taona eo ho eo no hita faty tao Fitroafana Talatamaty,

Card image cap
17-mai-2024

Nisokatra tamin’ny fomba ofisialy omaly 16 mey tetikasa telo vaovao eo amin'ny sehatry ny tontolo iainana,

Card image cap
16-mai-2024

mpitondra mahalala ny filàm-bahoaka sy tena laharampahamehana, vahoaka tsy sakana fa hery,

Card image cap
16-mai-2024

Raikely iray indray no voamarina fa nanolana ny zana-badiny vao 13 taona,

Card image cap