ZAZA NISY NANARY

Tsy niandry ela fa afak'omaly Alarobia 12 Aogositra hariva ihany dia efa hita ny Ray aman-dRenin'ilay zazavavy kely vao amam-bolana nisy nanary teny Ankadikely Ilafy, distrikan'Avaradrano. Raha tsiahivina kely dia manodidina ny 3 na 4 volana eo ho eo izy io. Olona sendra nandalo handeha hiasa no nahita azy teny amin'ny barazin' Andriambato eo anelanelan'Andranovelona sy Antsampandrano. Avy hatrany dia noraisin'ny Sampan-draharahan'ny Polisy miaro ny zaza tsy ampy taona sy miady ny heloka mamoafady ao amin'ny kaomisarian'i Sabotsy Namehana ny raharaha. Izy ireo no nikarakara ilay zaza sy nitady ireo Ray aman-dReniny raha ny kaominina Ankadikely Ilafy kosa no niantoka ny biberon sy ny ronono nomena ilay zaza. Loharanom-baovao azo moa ny hoe : ankizy handeha hilalao no nitondra io zaza io. Na izany aza mbola ao anatin'ny fanadihadiana lalina hatramin'ny omaly ireo mpitandro ny filaminana koa andrasana izay mety ho tohin'ny raharaha.
Pati

Légende : Ity ilay zaza tsy manan-tsiny kely !