Raha tsiahivina kely dia anisan’ny tompon’antoka tamin’ny fandoroana trano tao Ambohitrinindrainy fokontany Anjanamahazo kaominina Ambohimandry izy ireo tamin'ny volana Novambra taona 2021. Niakatra fitsarana tao Arivonimamo ireo dahalo ireo taorian'io saingy afaka noho ny fisalasalana hoy ny vaovao. Namaly faty ireo fokonolona nitory azy ireo dahalo taorian’izany ka nalainy avokoa ny omby tao an-toerana. Nodorany ihany koa ny tranon'ireo fokonolona tao Ambohitrinindrainy Anjanamahazo Ambohimandry. May in-droa ny tranon'ireo fokonolona ireo noho izany. Tezitra ny iray amin’ireo rafozan'ireo dahalo ka naka ny zanany fa tsy hampanambadiany dahalo hono ny zanany ka vao niala tao an-tranony ny vadin'ilay dahalo izay nalain'ny dadany dia notafian'ireto dahalo ireto koa ny rafozany ka nodorany ny tranony ary nalainy daholo koa ny omby tao. Ankoatra izay dia mbola nanafika tao antsolabato kaominina ambanivohitra Amboanana ihany koa ireo dahalo ireo ny 14 oktobra lasa teo ka nodorany tanteraka ny tanàna ary lasany daholo ny omby. Manao antso avo amin’ny fitsarana ao Arivonimamo araka izany ireo tantsaha ao an-toerana mba hijery akaiky izao raharaha izao. Raha sanatria ka mbola ho votsotra ihany mantsy ireto dahalo ireto anio dia hitombo hatrany ny trano may sy ny omby very amin’ny alalan’ny valifaty hataon’izy ireo izay ahiana hisy aina hafoy mihitsy.
Nangonin’i Pati
Miverina indray eny rehetra eny ireo mpangalatra volo, raha ny fampitam-baovao voaray omaly.
Tranga niseho tamiko ny alahady teo izy ty ka tantaraiko eto mba hitandreman’ny rehetra amin'ny manaraka,
raha ny fampitam-baovao voaray. Nofitahiny ilay vehivavy ary nentiny tany ambanin'ny CEG Soamalaza,
Nifanehatra tamin'ireo zandary nanao fisafoana tao Ambohimilemaka kaominina Mahitsy
Vehivavy no tompon-dakan’ny halatra finday any amin’ny distrikan’Ihosy.