Fandriampahalemana

Ny resaka zava-mamoha henatra na “scandale” efa toy ny tandra vadin-koditra, hoy izy. Efa nisy foana io fa ny fivoaran’ny tekinolojia no nahatonga ilay izy ho hita isan-kerinandro raha isam-bolana, ohatra, izany no hita tamin’ny andro ny filoham-pirenena, Hery Rajaonarimampianina. Vao tsy ilaozan-kasokasoka ny fiarahamonina ary tonta tsy ilaozan-dromoromo. Mivoatra ny fampitam-baovao ary miha haingana ny fahazoana vaovao. Anaty fotoana fandoroan’ny gasy tanety mihitsy izao fa hatramina velaran-tany tsy heritreretina nefa izao may avokoa. Azo heritreretina ihany noho izany hoe iraka ve ilay olona nandoro sa tena mpamboly? Raha iraka mantsy izy dia azo heritreretina tokoa hoe misy hifandraisany amin’ny fanakaikezana ny vanim-potoam-pifidianana. Amin’ny maha mpahailalana ny tena dia misy zavatra tokony ampahalalana ny vahoaka eto mikasika ny lalana. Afangaro eto ny filazam-baovao sy ny heloka izay enjehin’ny lalana. Raha mandray ohatra an’I Mahery Lanto Manandafy aho izao. Raha apetraka izao ilay nataony hoe fanalam-baraka olona dia mipetraka izay zavatra izay amin’ny fotoana voalohany. Aiza ho aiza ny fanadihadiana izay tokony hira zotra amin’ny zavatra ambaran’ireny olona ireny? Anjaran’ny tomponandraikitra ny manadihady satria zavatra ngezabe eo amin’ny firenena ilay izy hoe mivarotra bala. Amin’ny maha efa zandary ny tena dia zava-doza satria famonoana mpiray tanindrazana izany fahaverezana basy na bala izany. Maha voasazy, maha voaroaka, mampigadra. Misy fidirana bala an-tsokosoko eto matoa ny dahalo afaka mifanehitra amin’ny zandary. Tokony hiomana hiatrika ny fiainam-pirenena amin’ny 2023 isika. Ho hitantsika eo moa hoe iza no tokony ho tohanana, amin’ny maha olompirenena, rehefa hisy hiteny hoe hilatsaka, hoy hatrany ny tenany.
J. Mirija