airtel

Fandriampahalemana

13-mars-2024

FAKANA AN-KERINY OLONA VARIRA

Nahatratra 21 ny 2023, tafakatra 5 ireo namoy ny ainy

Sample post image

Miaina anaty tebiteby isan’andro ireo olona manana toe-tena

13-mars-2024

varira eto amintsika, indrindra fa ny any amin’ny faritra . Hatreto mantsy raha araka ny fanazavan’ny filohan’ny fikambanana Association Albinos Madagascar Atoa Soja Ramindrisoa Fulgence dia tsy manana antoka ny amin’ny hahafahany miaina malalaka toy ny olon-drehetra izy ireny. Izay raharaha rehetra tonga eny anivon’ny Fitsarana hoy izy dia toa maty momoka sy tsy misy tohiny daholo nefa ny fakana an-keriny sy ny famonoana etsy an-daniny mitohy hatrany. Ho an’ny taona 2023 fotsiny raha araka ny fanazavany hatrany dia nahatratra 21 isa ireo olona varira nalaina an-keriny teto amintsika ka ny 5 tamin’ireo no namoy ny ainy. Miisa 25 isa kosa izany tamin’ny taona 2022 ka ny 7 no namoy ny ainy izay ankizy ny ankamaroany. Notsiahiviny moa fa indraindray mahatratra 4 isam-bolana ireo olona manana toe-tena varira misy maka an-keriny eto amintsika ka tamin’ny farany teo ohatra dia Renim-pianakaviana iray vao 40 taona monja no notapahan’ny sasany ny lohany. Voatery natoby eny anivon’ny zandarimariam-pirenena avokoa noho izany ireo olona manana toe-tena varira ao Betroka ho fiarovana ny ainy. Miantso ny Fitondram-panjakana mba handray andraikitra manoloana izany araka izany ny filohan’ny fikambanana Albinos Madagascar Atoa Soja Ramiandrisoa Fulgence.
Pati
Legende : Tandindomin-doza hatrany ireo olona varira eto amintsika !
 

Dans la même rubrique

21-juin-2024

Tsy hita ary nifampitadiavana nanomboka ny 5 jona lasa teo ny Mpitsara Rakotondravony Henri, « subsitut général »

Card image cap
20-juin-2024

Tsy mitsahatra ny mifofo ny ain’ireo ankizy manana toe-tena varira eto amintsika jiolahy.

Card image cap