tia tanindrazana

Parution du Vendredi, 27 Janvier 2023

airtel

Fandriampahalemana

Fanaparitahana sary sy anaran’olona Nokianin’ny SMM ny zandary sy ny polisy

Namoaka fanambarana omaly ny sendikan’ny mpitsara eto Madagasikara na ny SMM tamin’ny alalan’ny Filohany Mbitanarivo Andriantsihorisoa,

13-oct-2022

Sample post image

 izay miantso ny mpitandro filaminana hanatsahatra tsy misy fepetra ny famoahana vaovao amin’ny haino vaky jery rehetra mikasika ny raharaha mandalo eo anivon’ny polisim-pirenena sy ny zandarimariam-pirenena miandraikitra ny fanadihadiana savaranonando. Ny Mpitsara sy ny mpitandro ny Filaminana dia isan’ny antoka ho amin’ny filaminan’ny fiainam-piaraha-monina, hoy ny SMM izay naneho fa manohana tsy misy fepetra ny ezaka lehibe efa ataon’ny mpitandro ny filaminana amin’ny ady amin’ny tsy fandriampahalemana sy amin’ireo fandikan-dalàna rehetra amin’ny ankapobeny. Mendrika ny hiaina tsy misy rahoraho sy am-pilaminana tanteraka ny Vahoaka Malagasy, izay amin’ny anaran’izy ireo no hamoahan’ny Mpitsara ny didim-pitsarana rehetra, hoy ny SMM. Nanamafy hatrany fa mba ho tsotra sy mahitsy ny fiaraha-miasa, tsy maintsy manaja ireto fenitra ireto : ny «subordination hiérarchique» na fanajana ny rafitra isaky ny antanan-tohatra; ny fanajana toy ny anakandriamaso ny “présomption d’innocence” na zo mbola amin’ny maha mbola tsy voaheloka. Mba ahafahana manenjika izay heverina ho mpandika lalàna, ny Mpitandro ny filaminana dia mandray ny fitoriana, manokatra avy hatrany ny fanadihadiana, mikaroka ireo izay heverina ho nandika lalàna ary miroso amin’ny famotorana savaranonando azy ireny, manambatra izay mety ho porofo rehetra mialohan’ny fampiakarana ny raharaha manoloana ny Fampanoavana. Ny Fampanoavana, araka ny antotan-taratasin’ady kosa no mijery sy mandinika ny mikasika ny fanenjehina raha toa ka ampy ny vesatra iampangana, amin’ny alalan’ny famotorana hamehana na koa mitaky manoloana ny Mpitsara mpanao famotorana, izay mahaleo tena, ny handidiana ny famonjàna vonjimaika. Mandritra izany paik’ady rehetra izany dia tsy maintsy manaraka ny toromarika sy ny baikon’ny Fampanoavana ny Mpitandro ny filaminana efa voatondro ho amin’ny andraikitra amin’ny maha-O.P.J (Officiers de Police Judiciaire) azy. Manoloana izany, ny Mpitandro ny filaminana dia tsy maintsy manaja ny “présomption d’innocence” na sy ny zon’ny olom-pirenena tsirairay. Torak’izany ihany koa ny fanajana ny tsiambaratelon’ireo antota-taratasin’ady sasany mba hiarovana ny fizotry ny paik’ady ho amin’ny tena ara-dalàna, hoy hatrany ny SMM.

MISY NY TSINDRY, LASA MITERAKA FANDIKAN-DALANA
Hita sy tsapa niverimberina tato ho ato fa noho ny tsindry ataon’ny manam-pahefana ara-politika sy/na ny manam-pahefana ara-panjakana ary koa ny mba ahazoana vokatra haingana, tsy vitsy ny Mpitandro ny filaminana mamoaka mialoha ny antsipirihin’ny fanadihadiana ireo raharaha izay mbola eo ambany fahefany. Maro ireo olom-pirenena haseho sary mivandravandra manoloana ny tambazotra serasera, olom-pirenena izay mbola misitraka tanteraka ny zony sy ny “présomption d’innocence”, ankoatra ireo izay mety voalaza ho tratra ambodiomby. Maro amin’ireo antota-taratasin’ady tonga manoloana ny fampanoavana anefa no tsy mifanaraka velively amin’ireny fanaparihana vaovao manerana ny haino vaky jery ireny, ary matetika aza dia famotorana savaranonando tsy mahafeno fepetra, fanerena ny toriana hanaiky amin’ny fomba rehetra, eny hatramina tatitra ataon’ny mpahay sy porofo ara-tsiantifika tsy misy akory. Ny fitsarana izay ifaharan’ny asa farany avy eo no lasa iharan’ny fanaratsiana sy ny fanenjehina, hoy hatrany ny ampahan’ny fanambaran’ny SMM.
Toky R
 

Dans la même rubrique

Card image cap
Morarano , Androndra Mpitsindrona rongony mahery vaika enin-dahy no tratra
27-janv-2023

Lehilahy miisa 06 no tratra nitsindrona sy nivarotra zava-mahadomelina mahery vaika teny amin’iny faritra Morarano sy Androndra iny ny 25 janoary teo.

Card image cap
Fakana an-keriny Avotra soamantsara ilay tovovavy 19 taona
26-janv-2023

Avotra soa aman-tsara ilay tovovavy 19 taona nisy naka an-keriny ny 4 janoary 2023 lasa teo tao amin’ny kaominina ambanivohitra Andranomisa, distrikan’Anjozorobe, raha ny fampitam-baovao voaray.

Card image cap
Mahanoro 4 lahy tratra niaraka tamin’ny taolam-paty 50kg
26-janv-2023

Lehilahy miisa 04 no voasambotra tany amin’ny distrikan’i Mahanoro ny Talata 24 janoary teo rehefa nanondrana sy nitondra taolam-paty tany an-toerana.

Voir plus