airtel

Fandriampahalemana

02-oct-2023

Fitadiavam-bola amin’ny fomba

maloto Ilay Ramatoa sy ny sipany no niketrika “kidnapping”

Sample post image

Henjana ihany ity fitiavana te-hanan-karena ity. Misy manaotao foana mihitsy ny sasany toy ireo mpisipa roa tany

02-oct-2023

Anjozorobe tany. Raha tsiahivina kely ny tantara dia nisy nanafika ny tokantrano iray tao amin'ny fokontany Kamanja, kaominina ambaivohitra sy distrikan’Anjozozrobe ny 06 Septambra lasa teo. Dahalo am-polony mirongo fiadiana no nanao ny asa ratsy tamin’izany ary voalaza fa naka an-keriny renim-pianakaviana iray.Rehefa nataon'ny zandary avy eto anivon'ny vondrontobimpiparitra imerina centrale sy ny sy tombimparitra Anjozorobe anefa ny fanarahan-dia sy ny vela-pandrika ary ny fanadihadiana rehetra dia fantatra fa sarintsarina fakàna an-keriny no nisy satria io Ramatoa io sy ny sipany ihany no nanomana ilay teti-dratsy.Mpihavana akaiky anefa ny vadin'io Ramatoa nilaza ho nalaina an-keriny io sy ilay sipany izany hoe : zanak'olona mpirahaly izy ireo ary efa manana lonilony amin'ny resaka ady lova efa ela izy ireo. Marihana fa manam-bady koa ilay sipany ary mpiray tanàna ihany izy ireo. Ilay Ramatoa sy io sipany io ihany avy eo no naniraka olona hanafika tao an-tanàna ary nanao fakàna an-keriny mba hahafahana mitaky vola tsy ara-drariny amin'ny vadin-dRamatoa sy ny fianakaviana ka isan'ny tanjona ny hahazoana ireo lova izay niadivana.13 tapitrisa Ar no vola notakiana tamin’izany ka voalaza fa omena 2 tapitrisa Ar Ramatoa rehefa tafavoaka ny tetika.Voasambotry ny Zandary anefa ilay sipan'io Ramatoa io ny 27 Septambra teo ka rava ny tetika. Nivoaka ho azy tany am-pisitrihana Ramatoa vokatr’izany ny 29 Septambra maraina. Tsy nisy ny vola nalohan’ny fianakaviana na ny ariaray. Nitsotra ny marina ilay Ramatoa fa tetika niarahan' izy sy ilay sipany mba hakàna ny volam-badiny sy ny fananan'ny fianakaviana no tanjona. Nosamborina koa araka izany io Ramatoa io ary natao andrimaso. Mbola mitohy ny fanadihadiana hahafahana misambotra ireo mpiray tsikombakomba rehetra amin'ity raharaha ity.
Pati
Legende : Ireto ireo mpifankatia tia vola sy tia harena loatra ka any am-ponja no mety hihafarany ! 

Dans la même rubrique

16-mai-2025

Natomboka tamin’ny Alarobia 14 mey 2025 ny fiofanan’ny Rafitra

Card image cap
16-mai-2025

Nitrangana vono olona feno habibiana tao Nierenana, distrikan’i Brickaville ny 13 Mey

Card image cap
16-mai-2025

Jiolahy efa mpamerin-keloka no voasambotry ny Polisin’ny Brigade Criminelle Anosy

Card image cap