Tena efa tonga hatrany am-piangonana ireo mpangalatra. Ankoatra ireo mahavita mangalatra ny poketran’ireo mpino mandritra ny fotoana fanateran-drakitra dia efa misy mandripaka ihany koa ny zava-maneno. “Ampli” vaovao‚ vao novidian’ny fiangonana katolika iray ao Antsohihy 03 tapitrisa Ariary mahery ny 17 may lasa teo no nanjavona tampoka. Mpikarakara zava-maneno ao amin’ny fiangonana katolika‚ nandeha maraina nanokatra fiangonana sady handamina ireo zava-maneno fa handray lamesan’ny mpianatra no nahatsikaritra voalohany izany. Natao ny filazana tao am-piangonana ny Alakamisy 18 may izay fahatsiarovana ny niakaran’i Jesoa tany an-danitra mba hanomezam-baovao ireo mpino sao mba misy mahita izany. Tena nisy olona tsara sitrapo nahita tokoa. Namidin’ireo tsy mataho-tody taminy mantsy ity fitaovana hampiasaina hiderana an’Andriamanitra ity tamin’ny vidiny 240 000Ar. Niara-nientana nitady ilay mpivarotra entana halatra araka izany ny rehetra ka noraisim-potsiny tao an-tranony tao Ambalakida i Hervé. Rehefa nosavaina tao an-tokantranony dia tratra tao aminy avokoa ireo karazana zava-maneno tao am-piangonana nangalariny toy ireo fitaovam-piangonana avy any Bealanana ….Vao 24 taona moa ity tovolahy tratra ity.
Nangonin’i Pati
Legende : Ity i Hervé, ilay tovolahy mpangalatra fitaovam-piangonana
Tranga niseho tamiko ny alahady teo izy ty ka tantaraiko eto mba hitandreman’ny rehetra amin'ny manaraka,
raha ny fampitam-baovao voaray. Nofitahiny ilay vehivavy ary nentiny tany ambanin'ny CEG Soamalaza,
Nifanehatra tamin'ireo zandary nanao fisafoana tao Ambohimilemaka kaominina Mahitsy
Vehivavy no tompon-dakan’ny halatra finday any amin’ny distrikan’Ihosy.
Miha mahery vaika indray ny fanafihana sy fakana an-keriny any amin’ny Distrikan’Ankazobe.
Tratran’ny fokonolona teo am-panambatambazana ary nikasa ny hitondra sy hangalatra zazavavy kely