Fandriampahalemana

Andian-jatovo manodidina ny 16 ka hatramin’ny 18 taona no tompon’antoka tamin’izany izay marihina fa tsy ampy taona ny iray. Raha araka ny fantatra dia miditra amin’ireny toeram-pivarotana toy ny Epicerie ireny izy ireo ka misy amin’izy telolahy no mampiresaka ny mpivarotra ary ny sasany kosa manararaotra maka ny entana rehefa variana ilay mpivarotra. Tompona tranom-barotra iray misy caméra de surveillance anefa no tonga teny amin’ny biraon’ny polisy tany an-toerana nametraka fitoriana ka nahafahana nisambotra ireto olon-dratsy ireto. Rehefa natao ny fanadihadiana azy ireo dia fantatra fa efa isan’ireo mpanao asa ratsy efa karohin’ny polisy any an-toerana izy ireo. Misy amin’izy ireo no manao halatra mitam-piadiana ary miditra an-keriny ihany koa amin’ireo mpivarotra any an-toerana. Tsara ny manamarika fa vola sy fitaovana sarobidy hamidy no tena alain’izy ireo amin’izany asa ratsy hataony izany. Natolotra ny fampoavana omaly izy ireo ary fantatra. Natolotra ny fampanoavana omaly izy ireo ka fantatra fa samy nofaizina araka ny lalana avokoa.
Pati
Legende : Ireto izy telolahy tratra