Fandriampahalemana

Ankoatra ireo mpanolana dia efa ahitana taratra izany ihany koa ireo mpamaky trano, zava-mahadomelina mitarika azy ireny hanao ny tsy fanaony. Ho an’ireo lehilahy miisa telo tratra teny Saropody Androndra omaly Talata 27 desambra teo ohatra dia tamin’ny 10 ora maraina izy ireo no tratra. Polisy nanao fanamiana no nahatazana azy ireo hafahafa ka avy hatrany dia nisambotra. Rehefa nosavaina izy ireo dia nahatrarana vola madinika marobe toy ny 50 Ar miisa 32isa, 20Ar miisa 49isa, 10Ar miisa 34isa. Nahitana fitaratra maromaro sy lampe de poche, ranomanitra, fitaovam-pianarana maromaro ary lamba ihany koa tany amin’izy telolahy. Tsy latsa-danja tamin’ireo ny rongony maromaro izay nafenina tao anaty tranon-tsigara. 24 taona sy 33 taona ary 58 taona izy telolahy ireto.
Pati