Fandriampahalemana

Isany fototry ny heloka hiampangana sy hitazomana ny ankabeazan'izy ireo ny resaka "délit de mœurs" na fandikana fitondran-tena. Araka ny fanazavana azo dia resa-bola matetika no tena manintona ny any an-toerana amin’ny asa ratsy. Mbola maro amin’ny ray aman-dreny ihany koa no tsy mandray andraikitra noho ny fahasahiranana ka tsy mahavita manabe sy manara-maso ny zanaka ara-dalàna hany ka lasa mivarilavo toy ny mangalatra sy mifoka rongony ireo ankizy. Raha ny ao amin'ity faritra ity manokana dia misy ny "liberté surveillée préventive" fahafahana vonjimaika sy fanaraha-maso fisorohana ary misy koa ny "liberté surveillée pénale" na arahana famaizana, raha ny fanazavana. Paikady izay tafiditra indrindra anatin’ny " ny "justice réparatrice" na fitsarana fanarenana atao amin’ireo ankizy voafonja. Ao anatin’izany dia misy mpanabe avy amin’ny minisiteran’ny mponina ho an’ireo nisitraka izany fahafahana izany ka ireto farany no miaraka amin’ny ray aman-drenin’ireo ankizy manao izay fomba rehetra hanampiana ireo ankizy mba hanaja ny fifanarahana manodidina izany, hoy hatrany ny fanazavan’ny tomponandraikitra ao an-toerana.
J. Mirija