Fifamoivoizana

Tsy nisy nametaka soratra mazava avy amin’ny kaoperativa rahateo ny ankamaroan’ireo taxibe nampiakatra saran-dalana fa avy hatrany dia nitaky ilay 600 Ar tsy nisy fanazavana. Nisy tamin’ireo mpandeha noho izany no nidongizina tsy nety nandoa ilay 100 Ar ambiny nefa tsy niala raha tsy tonga tany amin’ny farany noho ny vola tany am-paosiny efa maty marika. Nisy indray ireo vao tsy nety nandoa dia navoakan’ny resevera avy hatrany ary lasa nandeha dia an-tongotra noho ny fahatezerany. Na izany aza anefa dia nisy tamin’ireo resevera sy mpamily no mbola tsy nampiakatra saran-dalana fa nijanona ho 500 Ar ihany niandry ny taratasy mazava avy any amin’ny koperativa hapetaka amin’ny fiara. Tsy nahazaka ny fitarainan’ny olona ny amin’ny tsy fisiam-bola izahay hoy ny resevera iray ka aleonay aloha mandefitra kely. Tsy haharitra koa anefa izany hoy hatrany ity resevera ity fa mety ho 2 andro eo ihany mandrapisian’ny fanapahan-kevitra vaovao avy amin’ny koperativa. Ho an’ireo efa nampiakatra saran-dalana ho 600 Ar moa omaly dia nilaza izy ireo fa mbola maty antoka noho ny teo aloha aza vokatry ny fidangan’ny vidin-tsolika.
Pati