airtel

Fifamoivoizana

11-août-2022

Fifamoivoizana

TOBIM-PIANTSONANA FASAN’NY KARANA Tsy misy mahazo manao dona miverina

Sample post image

Antony iray mety hitera-doza ary hamoizana ain’olona maro amin’ny fotoana tsy hampoizina ny fanaovan’ny mpamily iray dona miverina.

11-août-2022

Rehefa reraka noho ny halaviran-dalana nataony mantsy ny mpamily iray indrindra fa raha nandeha alina dia tokony haka aina hatory tsara mba hampilamina ny sainy sy ny vatany. Misy anefa ireo mbola minia ny manao izany ihany na koa maika hamonjy mpandeha hafa ka ireo entina handroso na miverina no hatao antsirambina ny fitandroana ny ainy. Ho an’ny tobim-piantsonana etsy amin’ny Fasan’ny Karana manokana dia efa nandraisana fepetra izy ireny hisorohana ny loza mety hitranga. Tsy misy mahazo manao dona miverina intsony ireo mpamily taxi brousse na dia iray aza. Izay tonga dia maka aina miandry ny torony manaraka indray. Ho an’ireo mpandeha kosa indray dia tsy misy indrafo ireo izay tara fa avy hatrany dia mijanona. Rehefa amin’ny 04 ora hariva ohatra no tokony hiainga ny taxi brousse iray dia amin’ny 04 ora hariva mihitsy no mandeha hisorohana ireo dahalo mety hitora-bato sy ireo mpisakan-dalana. Ho an’ireo sendra taraiky dia tsy misy intsony ny indrafo araka izany. Tafiditra ao anatin’ny ady hatao amin’ny loza mety hitranga mandritra izao fotoam-pialan-tsasatra lehibe izao avokoa, izay mahabetsaka ny mpandeha izany rehetra izany. Am-polo maro isan’andro moa amin’izao ireo taxi brousse mivoaka etsy amin’ny tobim-piantsonana Fasan’ny Karana ka ireo miazo an’i Morondava no betsaka indrindra.
Pati
Legende : Mitera-doza tahaka izao ny fanaovana dona miverina ho an’ny taxi brousse !
 

Dans la même rubrique

24-mai-2024

Maneho hatrany ny fahasosorany eo anatrehan’ny olana mianjady azy ireo

Card image cap
23-mai-2024

Very hasina tanteraka ny tananan’Antananarivo.

Card image cap