Fifamoivoizana

Tafiditra ao anatin’ireo toerana ahiana sy hanaparitaka haingana ny valan’aretina Covid 19 izy ireny araka izany, antony nanosika ny tompon’andraikitra hametraka toerana fanaovam-baksiny eny amin’izy ireo. Ankoatra ny tobim-piantsonana etsy amin’ny Maki Andohatapenaka dia nametrahana izany ihany koa ny ao amin’ny Tobim-piantsonana Fasan’ny Karana ka mandritra ny 3 andro no hanaovana izany vaksiny iadiana amin’ny Covid 19 izany izay tsiahivina hatrany fa maimaim-poana no sady tsy an-tery. Ho an’ny andro voalohany omaly dia fantatra fa ireo mpamily no tena navitrika tamin’ny fanaovam-baksiny ankoatra ireo tompon’andraikitra isan-tsokajiny. Na izany aza dia mbola azo lazaina ho vitsivitsy ihany ireo tena resy lahatra, hetsika mboa hitohy anio sy rahampitso iarahana amin’ny Ministeran’ny Fahasalamam-bahoaka.

Pati