airtel

Politique

08-mars-2024

ANDRY RAJOELINA

Mambabo fom-bahoaka amin’ny resaka famosirana indray ?

Sample post image

Nandritra ny fitokanana ny fotodrafitrasa vaovaon’ny fitaleavam-paritry

08-mars-2024

ny polisim-pirenena faritra Atsinanana tao Toamasina androany maraina no nanamafisan’ny Filoha Andry Rajoelina fa tsy maintsy ampiharina ny ny famosirana na Castration. Ny fitaovana izay nanimba ny zaza dia tsy avela hiasa intsony hoy izy, ary tsy maintsy vosirina ireo lehilahy nahavanon-doza.
TEKNIKA SADY POLITIKA
Nilaza moa ingahy filoha fa tena namaky fo azy ny fahitana ny sarin’ireo zaza nisy nanolana sy nanimba. Misy ny lasa mitondra takaitra ara-batana sy ara-tsaina mandra-pahafatiny hoy izy, koa noho izany tsy ampy ny fanagadrana fotsiny ireo mpanolana zaza tsy ampy taona ireo. Mifanandrify indrindra amin’ny 8 martsa fankalazana ny andron’ny vehivavy izay atao any Toamasina ny lanonana ofisialy moa ity fanambaran’i Andry Rajoelina ity izay nilaza indray fa hoe mijoro hiaro ny ankizy sy ny vehivavy. Anisan’ny lalàna niteraka adihevitra be teto amin’ny firenena it resaka famosirana ity, somary niditra an-tsehatra hatramin’ny sehatra iraisam-pirenena mihitsy moa izay nandrangaranga fa mila jerena ihany ny resaka zon’olombelona.Efa lany moa ilay lalàna, efa nivoaka ny didy fampiharana koa dia mihatra izany. Ny tsikaritra dia miditra amina tontolo politika ity resaka famosiraa ity satria mety ho anisan’ny fomba iray indray hambaboan’ny filoham-pirenena ny fon’ny vahoaka izay misy aza no nitaky hoe ataovy didim-poitra faharoa mihitsy ireo mpanolana. Raha jerena maimaika dia hoe fanapahan-kevitra teknika ary rariny sy hitsiny raha oharina amin’ny vesatr’ilay heloka bevava. Fa rehefa dinihina lalina dia paikady politika ihany koa hampitoniana ny tebitebin-tsain’ny vahoaka noho ny fahasahiranana no sady karazana lalana iray hampisehoana fa hoe izaho anie ka filoha manakaiky vahoaka.
AHOANA INDRAY NY MANARAKA ?
Maro no miandry taorian’ity androany ity fa mba ho hentitra sy haingam-piasa tahaka izany ihany koa ny filoham-pirenena manoloana ny fanabakoavana sy fanondranana ny harem-pirenena, ny fibodoana tanin’ny vahoaka tsy mandady harona sy ny fampihorohoroana ataon’ireo malaso sy dahalo ny vahoaka Malagasy any amina faritra maro. Satria haingana dia haingana no nandaniana ity lalàna momba ny famosirana ity.
RTT
 

Dans la même rubrique

19-juin-2024

Efa betsaka ireo voalazan’ny namana rehetra niatrika ny fifidianana,

Card image cap
19-juin-2024

Tsy misy vokatra azo andrandraina loatra amin’ny fitsaràna avo momba ny lalàmpanorenana na HCC,

Card image cap
19-juin-2024

Mangataka ny fametraham-pialan’ny fialan’Atoa Andry Rajoelina tsy Filoham-pirenena Andry Rajoelina,

Card image cap
18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap