ANKAZOBE

Fanentanana sy fampanantenana maro lafy no natao nambaboana ny fon’ny olona tany an-toerana. Nisy ny nanolo-tena tamin’ireo manampahefana tao Ankazobe fa hoe handray an-tanana manokana ny amin’ny « gazon synthétique ». Asa na hoe inona no nitranga fa ny hita aloha amin’izao volana mey 2024 izao dia tsy misy terrain synthétique izany raha ny ao Ankazobe. Ary hita miharihary be fa noho ny tsy fahampiana na ny tsy fisian’ny fikarakarana matotra dia simban’ny orana fotsiny ilay kianja. Zary efa tany lava volo mihitsy aza. Tadidinay tsara iny ary lesona noraisina hoy ny mponina any ao-toerana, izay maro no resy lahatra fa fotoannan’ny fanovana tokoa izao, ka dingana voalohany ny tsy fanekena intsony ny famandriana adrisa sy fampiesonana ataon’ity fitondrana Mapar – IRMAR ity sy ireo mpanao politika mpisolelaka miaraka aminy.Ary ny dingana faharoa sy ny fisafidianana olona tena Tia Tanindrazana, tia firaisankina mametraka ho ambony ny soa iombonana ary mananafomba fiasa tsotra, marina ara-pitantanana , mahomby amin’izay atao. Efa tonga saina ny vahoakan’Ankazobe.
RTT