Politique

mihitsy ilay izy, hoy izy. 6 oktobra 2022 isika izao. Ontsa ny foko mitsangana eto izao. Tokony efa navoaka anio (TTF: omaly) i Berija raha tsy nisy fanaparam-pahefana nataon’ity fitondrana ity noho ny tsy fanomezany azy ny zon’ny voafonja. Misy ilay hoe “remise de peine” na fanalefahan-tsazy iny isan-taona. in-droa miantaona izao. Ny zanako tsy nitaona olona hidina an-dalambe na namono olona na nangalatra harem-pirenena fa naneho hevitra tamin’ny Facebook mikasika ny raharaham-pirenena. Nolavin’ity fitondrana ity hatramin’ny fangatahanay hamindra an’i Berija ao Maputo noho ny tsy fahasalamany miverimberina. Nangataka ny hanaovany asa anatiny na ivelan’ny fonja koa izahay satria zon’ny voafonja izany fa nolavina. Misy voafonja sasany namono olona, nangalatra, teratany vahiny nefa misitraka izany. Andriamatoa filoha sy ramatoa Mialy vadiny, efa tsy voatanisako eto intsony hoe im-piry aho no nitalaho taminareo? Nilela-paladia! Nandohalika mihitsy aza mba hamindranareo fo amin-janako. Ahoana moa andriamatoa filoha no hampilamina ny sainao nandritr’izay 2 taona sy 4 volana nanagadranareo ny zanako izay? Nanapotehanareo ny fiainan’I Berija sy ny zanany manontolo nanoloana ny soa sy ny fanaovan-janako sorona ny ainy niaro anao andriamatoa filoha ny taona 2015? Marary amiko izao zavatra ataonareo an-janako izao. Tena hitondra soa ho an’ny tanindrazana ve ny famonoana namana malagasy any am-pigadrana nefa tokony hiara-kisalahy hampandroso ity Madagasikara ity? 44 volana be izao izy no nigadra any. Simba tanteraka ny hoaviny sy ny an’ny zanany izay tokony hiantehatra aminy. Matetika tsy salama izy satria tamin’ny fotoana nisamborana azy dia nivonto be ny tarehiny. Nandeha ra ny sofiny. Nangataka fahafahana vonjimaika ho azy tany amin’ny fitsarana ambaratonga voalohany izahay. Nangataka fitsipahana didy mba hahafahana mitsabo azy fa nolavina daholo, hoy hatrany ny tenany.
J. Mirija