Famelabelarana mikasika an-dRatsimandrava

ny famelabelaran-kevitra ho fahantsiarovana ny faha-49 taona nahafatesan'ny Kolonely Richard Ratsimandrava, izay notanterahin-dRatsimandrava Danielle, zanany vavy, sy Rakotonaivo Julien izay mpandalina tantara. Tomefy olona ny famelabelarana sy fampiratiana, izay tao anatin’io ihany koa no nandefasAna ny horonan-tsary fijoroana vavolombelona nentin'ny jeneraly Ramakavelo Désiré, mitantara ny fiainany, taloha sy nandritra ny nitondrany, ary tamin'ny nahafatesany. Notsindriana omaly fa antony ara-toekarena no namonoan'ny olona azy noho izy nijoro tamin'ny maha zava-dehibe ny fokonolona sy ny fokontany, izany hoe ny Malagasy ihany no mitantana ny haren'ny Malagasy. Nanamafy ny mpikarakaraka fa tsy azo dinganina izao faha-49 taona nahafatesany izao, tantara tsy fanadino satria olomangan'ny firenena azo alain-tahaka ny kolonely Ratsimandrava. Tsara moa no mampahatsiahy, fa 49 taona katroka ny 11 febroary teo no namonoana azy, andro vitsy taorian’ny nandraisany ny fahefana. Vao andro vitsy ihany koa no nisy ny fangatahana nataon-dry Depiote Rahasimanana Paul Bert tamin’ny Minisiteran’ny fitsarana noho ny fisiana tranga vaovao na « faits nouveaux » manodidina ity raharaha ity.
Toky R

Sary indrana