airtel

Politique

06-févr-2024

Fanenjehana ara-politika

Andrasana anio ny didim-pitsarana ny Depiote Fetra

Sample post image

Anio 06 febroary 2024 no hivoaka ny didim-pitsarana ny Depiote Fetra Ralambozafimbololona,

06-févr-2024

voafidy tamin’ny anaran’ny TIM, tao amin’ny Boriborintany fahadimy eto Antananarivo. Raha hiverenana dia nosamborina teny Mahamasina ny andron’ny 08 novambra 2023 nandritra ny hetsika famoriam-bahoaka notarihin’ny Firaisankinan’ny kandida, ka notazonina am-polo andro teny amin’ny tobin’ny zandary misahana ny heloka bevava. Fitarihana fihetsiketsehana tsy nahazoana alalana no vesatra anenjehana azy, ary nolazaina fa tratra ambodiomby, ka tsy voaaron’ny zo tsy azo henjehina amin’ny maha solombavambahoaka. Efa fanintelony nihemotra anefa ny didim-pitsarana azy satria efa tokony ho nivoaka ny 19 desambra, avy eo nihemotra 30 janoary, ary izao anio 06 febroary izao indray. Efa fihemorana fanintelony io, ka raha ny lalàna dia tsy maintsy mivoaka amin’io fanintelony io ny didim-pitsarana mikasika ity Filohan’ny Vondrona Parlemantera TIM eo anivon’ny Antenimierampirenena ity. Samy miandry ny rehetra hoe : hanao ahoana ? Efa akaiky ny fifidianana manaraka ka hotataovana sazy mba ho fampanginana sy kapa vava ranjo ara-politika mba tsy ho afaka mandray anjara amin’izay fifidianana izay sa hanao ahoana ? Ny hoe : hahazo fahafahana madiodio aloha toa ho sarotra raha tarafina tamin’ireo fitsarana ara-politika samihafa ary toa lasa miampanga tena ho nanao fisamborana tsy ara-drariny tokoa ny mpitondra. Ady fiady amin’ny politika rahateo ny tahaka izao rehefa jerena amin’ny fomba fiasan’ny Fanjakana volomboasary hatramin’izay. Andrasana anefa izay ho didim-pitsarana anio.
Toky R

 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap