airtel

Politique

24-avril-2024

Fanjakana tsy tan-dalàna

Mijoro ny mpahay lalàna, mpitsara, avara-pianarana, olobe,…

Sample post image

Tsy misy intsony ny Fanjakana tan-dalàna ka mijoro ireo mpahay lalàna sy avara-pianarana sy ny vato

24-avril-2024

nasondrotry ny tany, araka ny fanambarana goavana tao anatin’ny atrikasa tetsy amin’ny La Rotonde Besarety omaly. Saika tazana tao anatin’io avokoa ireo oloben’ny lalàna teto amintsika, raha tsy hilaza afatsy ny Profesora Raymond Ranjeva, ny Minisitry ny Fitsarana teo aloha Johnny Andriamahefarivo, ny Praiminisitra teo aloha Jacques Rabemananjara, ny minisitry ny fiarovana teo aloha Désiré Ramakavelo,… Nisongadina fa tena miharihary ny tsy fanajana lalàna, ny fanjakana tsy tan-dalàna, ny tsindry samihafa atao amin’ny mpitsara, ny fampiasan-kery,… izay mamotika ny firenena. “Ny ahiahy tsy hihavanana, ary aoka hazava fa tsy ny fanapahana noraisin’ny HCC tamin’ny fanonganana an-dRtoa Christine Razanamahasoa no anton’ny atrik’asa, fa ny fampiasana ny lalàna sy ny tany tan-dalàna hoentina manimbazimba ny zon’olombelona ny rariny sy ny marina ary ny hintsiny, ny fahefan’ny fitsarana sy ny mpitsara hanapaka araka ny fitsipi-dalàna, ny eritreritra sy foto-tsaim-pandinihan’ny mpitsara dia lasa tandra vadi-koditra ny mpitondra Fanjakana sy ny mpitsara sasany ary ny vahoaka tsy miraharaha ka izay fithetsika izao dia adika fa mankasitraka izao fihetsika izao hatramin’izay ka hatramin’izao”, hoy ny Profesora Raymond Ranjeva. Nomarihiny fa ankehitriny indrindra fa tato ho ato dia miitatra ny fahatezerana eo anoloan’ny fihomboan’izany fanimbazimbana izany. Maro mantsy ireo mpamiravira lalàna toy ny mpitsara, mpisolovava, fiarahamonim-pirenena sy ny maro hafa fa toa ady varotra tsy misy tahotra sy henatra intsony ny fandaminan-draharaham-pitsarana, ka tsy afaka ny hody tsy mahita izany toe-javatra mahatsiravina izany ny mpahay lalàna, mpampianatra lalàna,... izay nametra-panontaniana hoe: mbola misy ilàna ny fampianarana lalàna intsony ve eto Madagasikara?
RATSY FIAFARA NY MPITONDRA MAMPIASA HERY
Nahitsy noho izany izy fa rehefa tsy fampiharana ny araka ny tokony ho izy ny lalàna no itodihana handravonana ny olana fa tsy vitan’ny raharaham-pihavanana intsony dia rava ny fifampatokisana, ka ny fampiasan-kery sisa mandaitra hamerenana ny fiarahamonina amin’ny filaminana, araka ny fahitan’ny fitondrana azy. Nahitsy anefa izy ireo naneho, fa misy fetrany ihany anefa ny fitondrana miorina amin’ny fampiasan-kery ary sarotra honerana, ary ratsy fiafara eo amin’ny tantara, henjana ny fitsimbadihany. Ny fifandrafiana misy eo amin’ny vahoaka dia lasa fifandrafiana lovain-jafy, ary vokatry ny fandrosoana ara-toekarena dia giazan’ny mpitondra sy ny mpomba azy fa indrindra fa ny vahiny izay mandroba firenena, ka hentitra ireto mpahay lalàna sy avara-pianarana ary vato nasondrotry ny tany fa izay no ijoroany. Mijoro mba tsy hanana ratsy sy hisorohana ny atambo ho an’ny firenena, hoy ny Pr Raymond Ranjeva. Mijoro izy ireo izay solontena ihany, fa maro ireo mpitsara ao an-damosiny no tonga saina eo anatrehan’ny tsy fanajana ny tan-dalàna. Raha mampahatsiahy ny tantara, dia fahatongavan-tsaina avy amin’ireo olon’ny lalàna toy ny Filohan’ny HCC tamin’izany no isan’ny nampitsimbadika ny tantara tamin’ny raharaha 2002 ka heverina fa tsy tongatonga ho azy izao eo anatrehan’ny endrika Fanjakana tsy tan-dalàna miseho amin’ny endriny maro ankehitriny.
Toky R
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap