airtel

Politique

11-mars-2024

Fianankavian’i Andry Andriantongarivo

Mangataka ny hanatsaraharana ny tsindry, antsojay, fampijaliana,…

Sample post image

Ny mpisolovava an'Andriamatoa Andriatongarivo Tojonirina Andrisoa dia manameloka

11-mars-2024

ny fampiasana ny fahefam-panjakana hahazoana vahana amin'ny raharaham-pitsarana. Raha toa ka naniry ny hiravonan'ny olana rehetra taorian'ny antso nataon'ny fianakavian'ny olona arovany izy dia gaga raha toa ka fitoriana sy fanadihadihana hataon'ny sampana fikarohana heloka be vava eo anivon'ny zandarimaria no setriny. Ny mpisolovava an'Andriamatoa Andriatongarivo dia mihevitra fa ny tsindry ateraky ny andraikitra sahanin'ny olona miady amin'ny olona arovany dia sakana tsy hivoahan'ny marina sy tsy hahitana ny rariny koa manainga ny tompon'andraikitra rehetra mba hijery manokana ity raharaha mba hisian'ny fijery tsy mitanila ataon'izay rehetra manana fanapahan-kevitra raisina anatin'izany. Manainga mavesatra an'Andriamatoa Filohan'ny Repoblika izay miantoka ny fahaleovantenan'ny Fitsarana, an'Andriamatoa Praiministra lehiben'ny governemanta, Rtoa Minisitry ny Fitsarana, mba handidy ny hisian'ny fijery tsy mitanila ,ka ho fialofan'ny malemy tokoa anie ny fitsarana fa tsy toerana hanjakan'ireo be fahefana sy voninahitra. Manantena ny mpiaro fa ho toy ny fandraisana an-tànana ny raharaha izay nitarika ny fitanana am-ponja ny olona arovany, dia ho malaky ihany koa ny fandraisanana an-tanàna ny fitoriana an-dRtoa Rakotondrazafy Lalatiana izay napetraka ny 07 martsa teo eny anivon'ny manam-pahefana. Ny heloka izay angatahanay mba anenjehan'ny fitsarana azy dia heloka tsy misy ifandraisany amin'ny maha ministra mpikambana anaty governemanta azy koa manantena ny mpiaro fa ho voahaja ny zon'ny olona arovany amin'ny maha mpitory azy, ny porofo rehetra izay napetraka sy mbola ho fenoina, dia inoana fa ampy andraisan'ny fitsarana fanapahan-kevitra marina sy mahitsy. Amin'ny raharaha maha voapanga ny olona arovany, tranga izay efa nanaovan'ny fanjakana malagasy tamin'ny alalan’ny ministeran'ny serasera sy ny kolontsaina fanambarana fa tsy mitombina, dia mirary ny mpisolovava ny hitsaharan'ny tsindry hatao amin'ireo mpitsara. Mangataka ihany koa ny fianakaviany ankoatra izay no sady mifona ny mba hampitsaharana ny antsonjay mihatra amin'ny zanany fa marary ity farany. Atsahatra toy izany koa ny filalaovana ny fitsarana tahaka ny fampiasana ny mpisolovavan'Atoa Andriatongarivo teo aloha izay efa nanambara ampahibemaso fa tsaho ireo voalaza fa tifitra nataony tamin'ny mpanakanto iray, kanefa ireo mpisolovava ireo no lasa mpiaro ilay mpanakanto ankehitriny ka manenjika azy hoy hatrany ny mpisolo vavany.
Nangonin’i Pati
Legende : Reraky ny antsojay mahazo azy Atoa Andry Andriantongarivo !
 

Dans la même rubrique

19-juin-2024

Efa betsaka ireo voalazan’ny namana rehetra niatrika ny fifidianana,

Card image cap
19-juin-2024

Tsy misy vokatra azo andrandraina loatra amin’ny fitsaràna avo momba ny lalàmpanorenana na HCC,

Card image cap
19-juin-2024

Mangataka ny fametraham-pialan’ny fialan’Atoa Andry Rajoelina tsy Filoham-pirenena Andry Rajoelina,

Card image cap
18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap