airtel

Politique

12-avril-2024

Firaisamonim-pirenena

« Toherinay ny didy jadona sy ny valifaty politika »

Sample post image

Notsikafonin’ny Firaisamonim-pirenena heveriny fa didy jadona sy fanitsakitsahana ny :

12-avril-2024

lalàmpanorenana, demokrasia, ny soatoavina Repoblikanina, ka anisan’ireny ny fanonganana sy fanalana ny maha-olom-boafidy an’ireo filohan’ny Antenimiera roa. Voazimbazimba ny fisaraham-pahefana, natao fitaovana ny HCC kanefa raha misy disadisa anatiny eny amin’ny antenimierampirenena, dia ny antanan-tohatra voafaritry ny lalàna miainga amin’ny fitsipika anatiny, ny lalàmpanorenana,… ka manova ny endriky ny HCC ny zava-misy. Na dia voarakitra anaty lalàna ary ireo karazana dingana ireo, hoy ny fanambarana, dia marihina fa ny fanamorana sy hafainganan`ny fanalàna ireo lehibena andrim-panjakana amin’ny asany ireo dia mampanahy amin’izao toe-draharaham-pirenena izao. Araky ny lalan-tsain’ny andininy faha-72 ao amin’ny Lalàmpanorenana sy ny lalàna fototra eo amin’ny firenena Afrikana maro, ny fanonganana dia sazy napetraka mba hialàna amin’ny fivadibadihana ara-politika. Izany anefa tsy manakana ny fisian’ny fisitahana ara-ideolojika, satria ao amin’ny andininy faha-25 amin’ny lalàna laharana 2011-012 mikasika ny antoko politika dia mahazo miova ho tsy miankina izay tsy manaiky intsony ny firehan-kevitra politikan`ny antoko nisy azy, hatramin’ny fifaran’ny fotoam-piasany. Nampaneno lakolosy ary mitaky ny hanatsaharana ny antsojay politika samihafa izy ireo,… Nampahatsiahy sy namerina ireo tolo-kevitra, toy ny fametrahana sehatra fifampidinihina mitohy mba hisian’ny fifampitokisana hiatrehana ny fifidianana mbola ho avy rehetra; fanamafisana ny fahaleovantenan’ny fitsarana, indrindra amin’ny resaka fifidianana; ny fametrahana ny sazy noho ny tsy fisian’ny mangarahara eo amin’ny vola lany amin’ny fifidianana ; Ny fametrahana ny "Autorité Nationale de Régulation de la Communication Médiatisée" (ANRCM); Ny fanafoanana ny didim-panjakana laharana faha 60-082 amin’ny 08/13/60 hanalalahana ny fivoriam-bahoaka sy ny fihetsiketsehana eny amin’ny lalam-bahoaka; ny fampiatoana avy hatrany ny antsonjay politika,..
Toky R
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap