airtel

Politique

12-avril-2024

Gerry Randriambolaina

“Mbola tsy vita ny tolona, ny fahantrana no fahavalontsika”

Sample post image

Natolotra ofisialy ny alarobia 10 aprily teo teny Alasora ny lisitry ny kandida tarihin’ny Depiote Gerry Randriambolaina

12-avril-2024

amin'ny fifidianana ny 29 May 2024. Nambara fa ho famaliana ny hetahetan'ireo vahoakan'Avaradrano, indrindra ho fanohizana ny asa fijoroana hiaro sy hanohana ireo lalàna mitsinjo hatrany ny tombontsoan'ny daholo be, izay efa nikelezana aina hatrany nandritra ny tolona izay mbola tsy vita na io tamin'ny hetsiky ny "Depiote 73 ny 2019" na tamin'ny "Hetsika fotsy 2023". “Ny fahantrana no fahavalontsika ary atao laharam-pahamehana ny tany tan-dalàna hiadanan'ny ambany lanitra”, hoy izy. Ity depiote ity no lohalisitra, lisitra faharoa Rakotondrasoa Georges avy ao Sabotsy Namehana Avaradrano. Lisitra fahatelo Rambeloarison Lanto Harivony avy ao Ankadikely Ilafy, ary lisitra faha-4 I Faneva avy ao Alasora Avaradrano. Taorian'ny fampahafantarana ireo mpiray lisitra, dia nisy ny atrikasa niarahana tamin’ireo vahoaka maro tonga nanotrona, ary nofaranana tamin’ny fiaraha-misakafo. Nilaza ny depiote Gerry, fa na dia depiote TIM am-perinasa aza izy, na lehiben'ny DISTIM Avaradrano ary mpikambana birao politika TIM, dia nirotsaka ho mahaleotena satria izay no notakian'ireo vahoaka maro mpanohana (na TIM na tsia) tamin’ny fotoam-piasana faharoa efa nataony. Nohazavainy fa tsy ny TIM no nanolotra ny kandida Firaisankina Avaradrano. Efa natao daholo ny dingana tokony ho natao, hoy izy, ary hatramin'ny fifampiresahana tamin’ny Filoha Ravalomanana. “Nilatsaka ny tenako satria ny vahoaka no andriamanjaka ka manaraka ny safidim-bahoaka izay nilaza fa mbola tsy vita ny tolona ka mila tohizana miaraka amiko. Fifaninanana masina no atao, ka na inona na inona atao rehefa tsy sitrapon’Andriamanitra dia tsy tanteraka ary ny mpanenjika dia ao aoriana foana”, hoy ny Depiote Gerry Andriambolaina.
Toky R

 

 

 

 

 

 

 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap