Honty Razafitrimo

na i Honty ao amin'ny tarika AmbondronA no tena ahafantaran'ny maro azy. "Olon-tsotra aho no niditra tao anaty zavakanto nahalalan'ny maro ahy. Ankehitriny, tsapako fa izao no fotoana andraisako ny andraikitra eto amin'ny firenena. Hitondra ny hetahetanareo vahoakan'Ankazobe eo anivon'ireo mpanatanteraka", hoy i Honty. "Ny fandraisana andraikitra avy amintsika tsirairay avy no hanova zavatra maro, koa 'ndao hifanome tanana", hoy izy. Hifanome tanana ho an'ny Fahombiazana, no teny filamatra nosafidian'i Honty kandida laharana faha 4 natolotry ny FTT kolekitifa an'ny Malagasy eny amin'ny distrikan'Ankazobe . Ankoatry ny maha mpanakanto azy dia mpitarika fikambanana tantsaha i Honty no sady tompon'andraikitra amina trano fisakafoahanana lehibe iray eto an-drenivohitra. Na tsy dia be resaka sy tsy mpanao fanehoan-kevitra matetika aza dia anisan'ireo tena manaraka ary maharaka tsara ny fiainana politika eto sy ny raharaham-pirenena izy. Ary raha ny fantatra dia efa elaela ihany no nikasa hiditra mivantana amin'ny politika fa izao moa vao tanteraka izany.
Nangonin'i RTT