airtel

Politique

24-avril-2024

KMF-CNOE

“Atsaharo ny fividianana vahoaka, ataovy madio ny fifidianana”

Sample post image

Hanomboka ny datin’ny 08 ka hatramin’ny 27 Aprily ho avy izao ny

24-avril-2024

fampielezan-kevitra amin’ny fifidianana solombavambahoaka hatao eto amintsika. Betsaka ireo karazana fihetsiketsehana mety hataon’ireo kandida mba hisarihana ny fon’ny olona manoloana izany. Nivoaka tamin’ny fahanginana avy hatrany ny KMF-CNOE ary nilaza fa tsy mankasitraka ny fanohintohinana ny fahalalahan'ny olom-pirenena hisafidy izy ireo ka anisan’ireny ny fizarana vola, sy fitaovana mba hahazoana ny safidiny. Nampahatsiahy izy ireo fa ny tahirin-kevitra mahakasika ny fifidianana ihany no voalazan'ny lalàna fa azo zaraina mandritra ny fotoanan'ny fampielezan-kevitra. Izay tena hevitra sy anjara birikinareo mpirotsaka ho fidiana entina hampandrosoana ny firenena atosaka hoy izy ireo koa ialao ny ny fitaka sy ny lainga ary ny fampihorohoroana. Nahazo ny anjarany ihany koa ny filoha sy mpikambana amin’ny andrim-panjakana rehetra. Ialao lavitra ny fampiasana ny fahefam-panjakana, ny fampiasana ny fitaovam-panjakana (fiara, olona sy ny sisa) hoy izy ireo. Ianareo voakasiky ny fikarakarana ny fifidianana mivantana (CENI, HCC), tsy hisy fibaikoana azonareo raisina afa-tsy ny làlana sy ny feon’ny fieretreretanareo irery ihany. Ianareo no antoky ny fangaraharahan'ny fifidianana. Fantatra hatrany fa tsy ho mora fa adidy efa nekenareo saingy ataovy ankahalalahana sy am-pahamatorana izany. Ho an’ireo mpiasam-panjakana moa dia nanasa azy ireo hanaja ny sata mifehy azy amin’ny tsy fiandaniana amin’izao fampielezan-kevitra izao ny KMF-CNOE. Tanjon’izy ireo ny mba hisian’ny fifidianana avy amin’ny safidim-bahoaka malalaka fa tsy misy teritery arahin’ny fitandroana ny rariny sy ny hitsiny. Pati
Legende : Mijoro ho mpanabe olom-pirenena hatrany ny KMF –CNOE !
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap