Navoitrany tamin’izany fa isan’ny tamberin’andraikitra amin’ny mpitantana tahaka izao ny fampitana izany ho an’ny eny ifotony. Nampahafantarina tamin’izany ireo lalana voafidy teny anivon’ny Antenimierandoholona ho an’ny taona 2021. Teo koa ny fifanakalozan-kevitra ho fanatsarana sy ny fandraisana ny sosokevitra avy amin’ireo vondrom-bahoaka hitsinjaram-pahefana. Anisan’izany ny fampidiram-bolan’ny kaominina sy ny fampitaovana, ny olan’ny tsy fandriampahalemana ary ny lafiny sosialim-bahoaka. Zava-dehibe ho anay mpifidy vaventy ny tatitra tahaka izao, andrasana kosa anefa ny ho fiantraikan’izany eny amin’ny tomponandraikitra eny ifotony, hoy ireo ben’ny tanàna sy mpanolontsaina avy eny an-toerana. Nanaovan’izy ireo antso avo ny hanafainganana ny famoahana ny didim-panjakana fampiharana izany. Manampy izany ny fifanankalozan-kevitra teo amin’ny loholona MMM sy ireo mpifidy vaventy. Nohainoina ireo sosokevitra ahafahana mitondra fanatsarana sy ny fanolorana izany ho an’ny mpitondra fanjakana mandritran’ny fivoriana ara-potoan’ny Antenimiera amin’izao fotoana izao, hoy ity loholona ity. Anisan’ny andraikitry ny loholona ny miaro ny tombontsoa ho an’ny vahoaka eny ifotony sy fiahiana ny vondrom-bahoaka itsinjaram-pahefana, hoy ihany izy.
J. Mirija
Notanterahina omaly teny amin'ny Gara Soarano ny lanonana politika fametrahana samboady ireo
Mitady minisitra volamena tonga dia tsy kosehina intsony fa avy dia mitondra fahazavana
Tsy mahafaty ny mahatsikaiky! na koa hoe «Le ridicule ne tue pas!»,
Aiza sy nankaiza ny Filohan’ny Delegasionina manokan’ny Kaominina Antananarivo Renivohitra Atoa Ramanambitana Richard ?
Efa mitovy salan’isa amin’ireo tantsaha mpamokatra eto amintsika izany hoe :
Mbola vitsy ireo vehivavy misahana andraikitra ambony na miantsehatra eo amin’ny