airtel

Politique

12-déc-2022

Politique

Misavorovoro ny ekipan-dRajoelina Tandrohan’ny Minisitra Lalatiana i Christine.R

Sample post image

Sesilany ny fanenjehana mivantana na ankolaka ataon’ny Minisitry ny serasera sady mpitondra tenin’ny governemanta Rtoa Lalatiana Rakotondrazafy

12-déc-2022

 miantefa amin’ny Antenimieram-pirenena sy ny Filohan’io andrim-panjakana io Rtoa Christine Razanamahasoa, ary ampifandraisiny amin’ny mpanohitra izany. Tafiditra ao anatin’ireny ny filazany tao anatin’ny fandaharana manokana fanaony isaky ny zoma fa tena nisy ny fizaram-bola 5 tapitrisa Ar tamin’ny sonia, 5 tapitrisa Ar tamin’ny fanangana-tànana, ary 5 tapitrisa Ar rehefa tena lany. Tahaka izany ihany koa ny vaovao navoakan’ny gazetin’ity Minisitra ity, izay naneho fa ny TIM no tena miaro an-dRtoa Christine Razanamahasoa, ary nalahatra ny sarin’io depiote io sy ny depiote Hanitra Razafimanantsoa. Nifanandrify tamin’iny ihany koa moa no nisian’ny fanambarana politika nataon’ny Filoha Nasionalin’ny TIM Atoa Marc Ravalomanana. Ny depiote IRD anefa no maro an’isa tao, ary tsy ho tafiakatra 105 velively, raha tsy nisy an’ireo, ary na ireo depiote avy amin’ny Vondron’Antokon’ny fitondrana aza misy ireo mijoro ampahibemaso fa tsy nisy an-tery sy resa-bola izany, fa fanavotam-pirenena. Ny Filohan’ity andrim-panjakana ity, izay voalaza fa ny taratasy nasaina nosoniaviny milaza tsy mitombona sy tsy manan-kery ny volavolana fitsipaham-pitokisana aza, dia voalaza fa tsy avy ao Tsimbazaza no nanoratana azy. Na efa natsefotra aza ny raharaha, mitohy ny vely kanota ara-politika sy ny ady ara-tserasera, toa mbola mamely an-dRtoa Christine Razanamahasoa sy ny depiote sasany. Naneho ny Depiote Rahasimanana Paul Bert na Rossy fa ny depiote Hubert, dia asain'ny minisitra Lalatiana manala baraka ny antenimiera eo amin ny televizionina nasionaly. Nampiakarina avy any amin’izay misy azy (Mahanoro) any maika hanala baraka ny Kestoranay, hoy izy. Nomena iraka hanangan’ady sy hamotika an-dRtoa Christine Razanamahasoa ve ny Minisitry ny serasera? Io Filohan’ny Antenimiera io, izay voalaza fa saika hametra-pialana saingy ny Filoham-pirenena no voalaza fa niantso ny tsy hanaovany izany. Ankilany anefa, toa mandeha ny tsindry samihafa hanisahana ny an-dRtoa Christine Razanamahasoa. Tsara ny manamarika fa tsy anatin’ny Birao politikan’ny TGV-MAPAR ny Filohan’ny Antenimiera, raha toa ka manana ny antokony manokana ny Minisitry ny serasera. Tena ho teboka miabo ho an’ny Antokon-dRajoelina sy ny ekipany ve ny fisian’ny olona anatin’ny governemanta manangan’ady amin’ny filohana andrim-panjakana avy amin’ny volomboasary sy ny andrim-panjakana tarihiny? Tsy voalamin-dRajoelina intsony ve ireo mpanara-dia azy toa mifandefona ivoho ?
Toky R
 

Dans la même rubrique

16-avril-2024

Anio 16 aprily 2024 no hamoahan’ny Fitsarana avo momba ny lalàmpanorenana na

Card image cap
16-avril-2024

Isan’ireo antoko nanapa-kevitra handray anjara amin’ny fifidianana ny antoko politika Otrikafo

Card image cap
16-avril-2024

Mbola misy ny antsojay amin’ireo tsy ao anatin’ny antoko politika miaraka amin’ny fitondrana

Card image cap
16-avril-2024

Mitohy hatrany ny fitetezana ireo kaominina mandrafitra ny distrikan’Avaradrano tanterahin’ireo Kandida Solombavambahoaka

Card image cap
15-avril-2024

Ny sabotsy 13 aprily teo tetsy amin’ny Espace Fenitra Merimanjaka no nitondrana am-bavaka sy nanolorana ofisialy

Card image cap
15-avril-2024

Noraisina tamin’ny fomba ofisialy tetsy amin’ny Olympia Ampitatafika ny sabotsy

Card image cap