airtel

Politique

09-avril-2024

Mpiasam-panjakana

Mitohy ny fanerena azy ireo hanohana kandida laoranjy

Sample post image

Miseho hatrany ireo endri-javatra manamafy ny ahiahy momba ny zotram-pifidianana,

09-avril-2024

indrindra amin’ny tontolo ambanivohitra. Mandeha ny fanerena ankolaka na mivantana ireo mpiasam-panjakana hiandany amin’ny politika. Ohatra velona ny tranga tany amin’ny distrikan’I Beloha, izay ny Lehiben’ny Fari-piadidiam-pampianarana na ny CHEF CISCO no voalaza fa nanao antso an-taratasy niantso mpampianatra rehetra ao amin’ny Faritra iadidiany hanatrika ny fametrahana ny dosie firotsahan-kofidian’ny kandidam-panjakana. Nasaina hanotrona sy hanao akanjo volomboasary ireo mpampianatra eny amin’ny EPP, CEG, ENFP, PRESCO, raha ny hita tao anatin’io taratasy io. Tsy nisy ny fandisoana ofisialy an’izany hita hatramin’ny omaly, ary tsy dia tranga vaovao io, fa zary efa lasa fomba fiady ara-politika eto ny fanerena ny mpiasam-panjakana hiandany amin’ny fitondrana. Horohoroina hafindra toerana ireo efa mpiasam-panjakana raikitra, rahonana ankolaka tsy ho voaray ho mpiasam-panjakana ny FRAM, alaina ny fitaovana,… Mateti-pitranga izany rehefa vanim-potoanan’ny fifidianana izao, saingy matetika tazanim-potsiny amin’ny ankampobeny, ary betsaka ny mety ho endrika isehoany, toy ny fanovana sefom-pokontany maro mampiahiahy, ny tranga samihafa any amin’ireo minisitera,… Ny andininy faha-39 amin’ny lalàmpanorenana no milaza mazava fa anjaran’ny fitondram-panjakana no miantoka ny tsy fiandanian’ny Fitsarana, ny tafika, ny fampianarana,… amin’ny politika ary voarara tanteraka, saingy tsy vaovao eto amintsika ny fandikan-dalàna sy ny Fanjakana tsy tan-dalàna. Betsaka ny fitanilana. Samy fivadihana tamin’ny antoko nipoirana izao ihany fa ny depiote mpanohitra mivadika volomboasary tsy miongana fa ny volomboasary lazaina fa mivadika miongana eny amin’ny HCC,… Firifiry ny fitoriana novolavolain’ireo manam-pahaizana fa moa mbola nisy mpanohitra tena nahazo rariny na tamin’ny fifidianana farany teo na ny talohan’izao? Moa tsy ny vaton’ny mpitory indray no nahena tamin’ny fifidianana Filoha farany teo ? Vao ny 20 martsa lasa teo no nanao fampitandremana hentitra ny Filohan’ny HCC Atoa Florent Rakotoarisoa fa izay manao vinany eo ka manao resaka tsy fahamarinana, fangalaram-bato, mampiasa fitaovam-panjakana sy fahefam-panjakana,… dia hikapoka mafy ny HCC mba hijanonan’izany fomba ratsy izany mba hisian’ny fifidianana tena madio ». Mbola afaka manantena an’izany ve ny rehetra? Ho foana ve ny hala-bato amin’ny endriny maro sy fampandresena ny kandidam-panjakana miainga amin’ny didy tsy azo hivalozana?
Toky R

 

 

 

Dans la même rubrique

13-juin-2024

Matoa ny olona nisoratra anarana tanaty lisi-pifidianana, hoy ny antoko politika FLN na Front de libération national,

Card image cap
13-juin-2024

Isak’izay mihetsika izao dia mifampiapanga lava isika malagasy hoe mpangalatra,

Card image cap
13-juin-2024

Ny ampitson’ny famoahana vokatra vonjimaikan’ny fifidianana solombavambahoaka nataon’ny CENI omaly.

Card image cap
13-juin-2024

Eo am-piandrasana ny voka-pifidianana raikitra avy amin’ny HCC,

Card image cap
12-juin-2024

Toerana 163 no hiadiana ao Tsimbazaza, ka 79 ho an’ny IRMAR manome ny salan’isa 48,47%,

Card image cap
12-juin-2024

Nivoaka tamin’ny fahanginany omaly ireo solontenan’ny mpanohana ny kandida solombavambahoaka tao Ambatofinandrahana, Christine Razanamahasoa.

Card image cap